Lajme flash
Detaje të reja nga vrasja e 40-vjeçarit në Dukagjin/ Drejt tij u qëllua me 25 plumba automatiku, viktima kërcënohej për hakmarrje prej vitit 2017
12 July 2026, 10:40 / AKTUALITET
Një breshëri prej 25 plumbash automatiku, të qëlluar nga e njëjta armë, i mori jetën 40-vjeçarit Aleksandër Koçeku në zonën e Karmës së Kirit, në aksin malor Kir-Prekal.
Vrasja u krye në një segment rrugor me lëvizje shumë të pakta automjetesh dhe pa kamera sigurie, një vend që, sipas rrethanave të deritanishme, duket se ishte zgjedhur me kujdes nga autorët për të minimizuar rrezikun e dështimit të atentatit.
Hetimet e para janë përqendruar te pista e gjakmarrjes, ndërsa familjarët thonë se viktima jetonte nën kërcënimin e hakmarrjes që prej vitit 2017.
Koçeku u gjet i pajetë brenda automjetit të tij nga një kalimtar i rastësishëm, i cili njoftoi policinë. Sipas grupit hetimor, autori ose autorët i kishin zënë pritë dhe e ekzekutuan me breshëri automatiku.
Burime pranë hetimit bëjnë me dije se pista kryesore lidhet me vrasjen e Angjelin Shkambit në vitin 2017, ngjarje për të cilën vëllai i viktimës, Artan Koçeku, po vuan dënimin me burg. Familjarët dyshojnë se atentati i së shtunës është akt hakmarrjeje për atë krim.
Ndërkohë, Aleksandër Koçeku ishte gjithashtu nën hetim nga Prokuroria e Shkodrës për dosjen e vrasjes së 19-vjeçarit Pavlin Preka, ndërsa afatet e hetimit për këtë çështje ishin zgjatur pak ditë më parë.
Po ndodh...
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128