Lajme flash
Julián Alvarez mund të largohet nga Atletico në janar, në garë futet edhe PSG
6 September 2026, 09:52 / SPORT
Julián Alvarez mund të largohet nga Atletico Madrid gjatë merkatos së janarit. Sulmuesi argjentinas lidhet me një transferim të mundshëm te Paris Saint-Germain, ndërsa e ardhmja e tij në Madrid mbetet e hapur.
Sipas raportimeve të cituara nga “El Nacional”, PSG po shqyrton mundësinë e transferimit të 26-vjeçarit. Trajneri Luis Enrique dhe këshilltari sportiv Luis Campos mendohet se kërkojnë një tjetër alternativë për repartin e sulmit dhe Alvarez është një nga emrat në listë.
Argjentinasi thuhet se është i pakënaqur me qëndrimin e Atletico Madridit për një transferim të mundshëm te Barcelona. Katalanasit kanë qenë destinacioni i preferuar i lojtarit, por një lëvizje në këtë drejtim është bërë e vështirë.
Në këto kushte, PSG mund të shfaqet si një alternativë për sulmuesin. Klubi francez, kampion i Europës, po vlerëson mundësinë për ta afruar atë në janar.
Atletico Madrid nuk e përjashton një largim të Alvarez, por vetëm nëse plotësohet vlerësimi financiar i klubit. Sipas raportimeve, madrilenët kërkojnë rreth 150 milionë euro për kartonin e tij.
Kjo shumë është tashmë pjesë e historisë së merkatos së Alvarez. Atletico ka refuzuar më parë një ofertë prej 150 milionë eurosh nga Real Madrid për sulmuesin argjentinas.
Alvarez iu bashkua Atletico Madridit në vitin 2024 pas eksperiencës te Manchester City. Ai ka një kontratë me klubin madrilen deri në vitin 2030 dhe mbetet një prej lojtarëve kryesorë të skuadrës.
Po ndodh...
ide
Edi Rama, Harari dhe algoritmi!
Nga Ermal Peçi
Edi Rama, koha e llogarisë ka ardhur!
Nga Eva Idrizllari
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128