“Lironi shqipet”/ Dita 97, në orën 10:00 para gjykatës për protestuesit e arrestuar, pasdite para Kryeministrisë

Për të 97-ën ditë radhazi, qytetarët pritet të mblidhen sërish sot në Tiranë për të vijuar protestën kundër qeverisë. Qëndresa, e cila ka hyrë tashmë në muajin e katërt, vijon me kërkesën kryesore për dorëheqjen e kryeministrit Edi Rama, ndërsa protestuesit kërkojnë edhe ndryshim të sistemit politik.

Protesta e mbrëmshme shënoi ditën e 96-të të mobilizimit. Qytetarët u mblodhën fillimisht përpara Kryeministrisë dhe më pas marshuan në rrugët e Tiranës, me flamuj kombëtarë dhe flakadanë. “Rama në burg, Berisha në burg”, “Ju erdhi fundi” dhe “Shqipëri e Re” ishin ndër thirrjet e përsëritura gjatë tubimit.

Protesta ka marrë prej kohësh karakter të përditshëm. Ajo nisi si reagim ndaj projektit të Zvërnecit, por me kalimin e javëve kërkesat u zgjeruan dhe lëvizja u pozicionua kundër qeverisë dhe klasës së vjetër politike. Në protestat e mëparshme janë artikuluar njëkohësisht thirrje kundër Ramës dhe Berishës, si dhe kërkesa për një sistem të ri politik.

Ditët e fundit klima është tensionuar. Protesta e 1 shtatorit u shoqërua me përplasje me Policinë dhe shoqërime, duke bërë që dje dhe pardje qytetarët të marshojnë drejt Bllokut të Sigurisë, duke kërkuar lirimin e personave të arrestuar. “Nuk jeni vetëm” dhe “Lironi çunat, lironi gocat” ishin thirrjet që shoqëruan marshimin.

Edhe mbrëmjen e djeshme protestuesit përsëritën se nuk kanë ndërmend ta ndërpresin qëndresën dhe se tubimet do të vazhdojnë deri në realizimin e kërkesave të tyre.

Në shesh kanë marrë fjalën gjatë këtyre ditëve qytetarë, aktivistë dhe përfaqësues të medias, të cilët kanë ngritur çështje që shkojnë nga korrupsioni dhe kostot e jetesës te arsimi, shëndetësia dhe mënyra e funksionimit të institucioneve.

Gazetari Osman Stafa e lidhi protestën me pakënaqësinë sociale dhe kërkoi vijimin e rezistencës, ndërsa denoncoi edhe arrestimet e protestuesve.

Kritika ndaj qeverisë pati edhe nga aktivisti Tomi Progni, i cili e akuzoi ekzekutivin se është më i fokusuar te komunikimi dhe rrjetet sociale sesa te problemet e qytetarëve.

Pavarësisht se protesta ka hyrë në ditën e 97-të, organizatorët dhe pjesëmarrësit nuk kanë dhënë sinjale tërheqjeje. Përkundrazi, slogani “Nesër më shumë” është përdorur vazhdimisht si mesazh për vijimin e tubimeve.

Po ndodh...

09:56 SHOWBIZ

"Kur ta takosh nënën, përqafoje fort për mua", Moza Ahmeti humb babain, dedikimi prekës i shkrimtares

09:49 BOTA

Nafta arrin në mbi 96 dollarë për fuçi, tensionet SHBA-Iran rrisin frikën për Hormuzin

09:42 AKTUALITET

Aksident në Papër të Elbasanit, zbardhen dyshimet

09:23 AKTUALITET

I vihet lëndë plasëse në derën e shtëpisë një personi në Vorë

09:05 AKTUALITET

Zbulohen dy shtëpi bari në Barbullush të Shkodrës, arrestohen dy të rinjtë e shpallur në kërkim

08:36 BOTA

Trump për luftën me Iranin: Unë e shpëtova Britaninë nga një kërcënim bërthamor

08:28 EKONOMI&SOCIALE

Transporti publik merr 50 lekë/litër kompensim, masa zgjatet edhe për 4 muaj

08:20 EKONOMI&SOCIALE

Çfarë po ndodh me monedhat e huaja? "Hidhini një sy" këmbimit valutor për sot

08:18 AKTUALITET

Kushte atmosferike të qëndrueshme, parashikimi i motit për këtë të premte

08:01 JETË

Horoskopi Ditor E Premte 4 Shtator 2026

00:06 FJALEKRYQI

Skemë e lirë 4 shtator

23:53 SPORT

Merkatoja: Dëshirat e Spallettit dhe blerjet e Juventusit

23:41 SPORT

Fituesi i Kupës së Botës, Llorente, tërhiqet nga kombëtarja e Spanjës në moshën 31-vjeçare

23:38 BOTA

Mali i Zi u heq imunitetin ministrave, asnjë mbrojtje për çështje korrupsioni

Dua të lexoj më shumë lajme