Ndotja kërcënon ambicien e Shqipërisë për t’u kthyer në një destinacion turistik në Adriatik

Sipas një analize të Reporter.al, ndotja po kthehet në një nga kërcënimet më serioze për turizmin shqiptar, duke rrezikuar të zbehë imazhin e vendit si destinacion turistik dhe të dëmtojë një nga sektorët kryesorë të ekonomisë.

Në analizë evidentohet se ndotja e plazheve, shkarkimi i ujërave të zeza, mungesa e impianteve të trajtimit dhe menaxhimi i dobët i mbetjeve vijojnë të mbeten probleme të pazgjidhura përgjatë vijës bregdetare shqiptare. Situata, sipas ekspertëve të cituar, është përkeqësuar vitet e fundit, ndërsa rritja e shpejtë e turizmit ka ushtruar presion mbi një infrastrukturë që nuk ka ndjekur të njëjtin ritëm zhvillimi.

Reporter.al sjell edhe shqetësimet e pushuesve, të cilët ankohen për mbeturinat në plazhe dhe ndotjen e ujit, duke theksuar se këto probleme po ndikojnë në zgjedhjen e destinacioneve për pushime.

Analiza ndalet edhe te raporti i Agjencisë Evropiane të Mjedisit, sipas të cilit Shqipëria renditet e fundit në Evropë për cilësinë e ujërave të plazheve. Vetëm 16.8% e plazheve shqiptare janë vlerësuar me cilësinë “shkëlqyeshëm”, ndërsa një pjesë e konsiderueshme klasifikohen me cilësi të dobët, shumë mbi mesataren evropiane.

Sipas ekspertëve të cituar nga Reporter.al, ndotja lidhet kryesisht me shkarkimin e ujërave të zeza të patrajtuara, mungesën e investimeve në impiantet e trajtimit, urbanizimin e pakontrolluar të bregdetit dhe menaxhimin e dobët të mbetjeve. Ata kërkojnë investime urgjente në rrjetet publike të kanalizimeve, forcimin e monitorimit të ujërave dhe zbatimin rigoroz të legjislacionit mjedisor.

Në përfundim, analiza paralajmëron se nëse këto problematika nuk adresohen me prioritet, Shqipëria rrezikon të humbasë avantazhin konkurrues që ka ndërtuar vitet e fundit në sektorin e turizmit, në një kohë kur ekonomia e vendit po mbështetet gjithnjë e më shumë te ky sektor.

Po ndodh...

08:54 POLITIKË

"Do kërkoj 700 mln euro"/ Qeveria po i merr Aeroportin e Vlorës, Pacolli paralajmëron gjyq në arbitrazh

08:51 BOTA

Një “gjigant” 4-tonësh godet Hënën, NASA: Nuk ka rrezik për Tokën

08:37 EKONOMI&SOCIALE

Këmbimi valutor/ Me sa blihen e shiten dollari dhe euro, çfarë ndodh me monedhat e tjera

08:29 SPORT

Igli Tares i ndodh e papritura, grabitet në një tren në Itali

08:22 SPORT

FIFA në kaos, Infantino mbledh me urgjencë drejtuesit në Rabat

08:22 AKTUALITET

Aksident tragjik në aksin Korçë–Maliq/ Humb jetën një 27-vjeçar, disa persona plagosur

08:11 POLITIKË

Drafti i PS-së lë jashtë logjikës demografike, shkrihen bashki më të mëdha se ato që ruhen

08:02 MOTI

Temperatura deri në 41°C, parashikimi i motit, 5 gusht 2026

00:03 FJALEKRYQI

Skemë e lirë 5 gusht

23:53 SPORT

Kriza në FIFA, numri dy i organizatës, Mattias Grafström, distancohet nga Gianni Infantino

23:37 POLITIKË

Dua Lipa dhe Lea Ypi mesazh të fortë protestuesve në Tiranë: Mos u dorëzoni!

23:35 SPORT

Vinícius zbulon bisedën me Mourinhon: Më kërkoi të jem siç kam qenë gjithmonë

23:15 BOTA

Rivali kryesor i Zelensky-t: Ukraina nuk do t’i bashkohet kurrë NATO-s!

23:06 EKONOMI&SOCIALE

Bursa reflektohet edhe në Shqipëri/ Nafta zbret me 15 lekë, çmimi 199 lekë litri në pikat e karburanteve

Dua të lexoj më shumë lajme