PDK-ja dhe Aleanca refuzojnë takimin me Haxhiun, Dehari insiston në marrëveshje para vazhdimit të seancës

Teksa Partia Demokratike e Kosovës (PDK) dhe Aleanca kanë refuzuar ftesën e ushtrueses së detyrës së presidentes, Albulena Haxhiu, për takim me liderët politikë, kryesuesi i seancës konstituive, Avni Dehari i Lëvizjes Vetëvendosje, ka bërë thirrje për një marrëveshje politike para vazhdimit të punës së Kuvendit.

Dehari ka thënë se mirëpret ftesat për takime të Haxhiut dhe kryetarit të LVV-së, Albin Kurti, dhe u ka bërë thirrje partive politike që të ulen së bashku për të gjetur një zgjidhje për krizën institucionale. Ai ka thënë se përpjekjet për vazhdimin e seancës pa një marrëveshje politike vetëm sa e tensionojnë më tej situatën dhe rrisin rrezikun e përplasjeve në Kuvend.

“Konstituimi i Kuvendit dhe formimi i Qeverisë pa një marrëveshje paraprake për Presidentin nënkupton zgjedhje të parakohshme, diçka që duhet ta evitojmë”, ka shkruar Dehari.

Reagimi i tij vjen pasi PDK-ja dhe Aleanca kanë refuzuar ftesën e Haxhiut për takimin e 18 gushtit. PDK-ja ka kërkuar vazhdimin e seancës konstituive, ndërsa Aleanca ka akuzuar Lëvizjen Vetëvendosje se po e zvarrit bllokadën institucionale për ta çuar vendin në zgjedhje. Ndërkohë, LDK-ja ka deklaruar ditë më parë se është e gatshme të votojë për një figurë jopartiake për president dhe se nuk kërkon poste institucionale.

Haxhiu u ka dërguar liderëve të partive politike ftesë për takim konsultativ më 18 gusht, me qëllim diskutimin për zhvillimet politike dhe institucionale dhe arritjen e një marrëveshjeje për zgjedhjen e një presidenti konsensual. Ndërkohë, Kurti ka kërkuar që partitë të nisin diskutimet me emra konkretë për presidentin e ardhshëm, me synimin që të shmangen zgjedhjet e reja.

Megjithatë, Aleanca dhe PDK-ja po kërkojnë që të vazhdojë seanca konstituive e Kuvendit, e cila nisi më 6 gusht dhe u ndërpre për shkak të mungesës së një marrëveshjeje politike. Kriza institucionale është krijuar pas zgjedhjeve të 7 qershorit, të cilat u mbajtën pasi partitë nuk arritën të gjenin marrëveshje për zgjedhjen e presidentit pas përfundimit të mandatit të Vjosa Osmanit.

LVV-ja fitoi 53 ulëse në Kuvend, PDK-ja 22, LDK-ja 18 dhe AAK-ja shtatë. Për zgjedhjen e presidentit, Kushtetuta kërkon praninë e të paktën 80 deputetëve në sallë në dy rundet e para të votimit. Nëse presidenti nuk zgjidhet as në rundin e tretë, Kuvendi shpërndahet dhe vendi shkon në zgjedhje të reja./REL

Po ndodh...

16:00 BOTA

Tjetër tragjedi në rrugën e “vdekjes”, gjenden 11 viktima pranë brigjeve të Libisë, trupat e tyre në fazën e dekompozimit

15:14 BOTA

Irani i përgjigjet Trumpit për Hormuzin: Nuk mund të kapet me deklarata

14:58 SPORT

Kush do ta fitojë Premier League? Superkompjuteri Opta jep verdiktin e tij

14:44 AKTUALITET

Situata alarmante në Lurë, forcat operacionale hapin kanale për të ndaluar përparimin e flakëve drejt banesave, si paraqitet situata në vend

14:18 AKTUALITET

Përfshihet nga flakët automjeti në lëvizje, bllokohet përkohësisht qarkullimi në aksin Bradashesh-Krrabë

14:08 AKTUALITET

Shembet kanali vaditës në Elbasan, bllokohet prej 3 orësh aksi Elbasan-Cërrik

13:58 POLITIKË

Si i përgjoi Berisha armiqtë dhe bashkëpunëtorët e tij për 30 vite, nga Azem Hajdari e Serreqi tek Lulzim Basha, dëgjoi mbi 800 biseda të Metës

13:51 AKTUALITET

U dënua me 16 vite burg për vrasjen e Armand Beqirajt në Islandë, shqiptari lirohet pas 5 vitesh dhe dëbohet drejt Shqipërisë

13:26 AKTUALITET

Ironia e dhimbshme e fatit, dy muaj më parë Forbes shkruante për misionin e shqiptarit për të parandaluar sëmundjet, sot zemra e Arlend Gjonit pushoi së rrahuri

12:58 AKTUALITET

Aksident në Sarandë, makina merr para kazanët e mbeturinave dhe pemët

12:36 SPORT

La Liga nis sot sezonin 2026-27 / Ja pse Barcelona dhe Real Madridi mungojnë në xhiron e parë

12:28 AKTUALITET

Fluksi i lartë në hyrje në pikat e kalimit me Greqinë, Policia shqiptare masa të përbashkëta me homologët e Policisë greke

12:01 EKONOMI&SOCIALE

Instituti i Vjenës: Industria shqiptare në rënie për të tretin vit radhazi, prodhimi u tkurr me 17.5% në tre vjet

11:55 BOTA

Gjendet i vdekur ish-profesori i Cambridge i akuzuar për plagjiaturë

Dua të lexoj më shumë lajme