Përmbytja në Elbasan/ Kryebashkiaku Gledjan Llatja shkurton Fondin e Emergjencës për godina

Një rrebesh i shpejtë shiu këtë fundjavë, pas një vere shumë të nxehtë, përmbyti tërësisht rrugët e Elbasanit, duke nxjerrë në pah menaxhimin e dobët publik nga Bashkia e qytetit.

Për një trill interesant, akset rrugore u bënë të pakalueshme për orë të tëra, vetëm pak ditë pasi socialistët në Këshillin Bashkiak miratuan një projekt kontrovers të kryebashkiakut Gledjan Llatja, për shkurtimin e Fondeve të Emergjencës.

Në mbledhjen e datës 10 shtator 2026, Këshilli shqyrtoi kërkesën e Bashkisë për “Përdorimin e një pjese të Fondit të Emergjencave për ndërtimin e një stacioni të ri zjarrëfikës”. Fondi që merrej nga paratë e destinuara për Emergjencat ishte 10.2 milionë lekë të reja ose më shumë se 110 mijë euro, sipas kursit aktual.

Në Relacionin e hartuar nga zyra e kryebashkiakut Llatja thuhej se ky ndryshim destinacioni të fondeve propozohet “në kuadër të masave për forcimin e kapaciteteve vendore për parandalimin, përgatitjen dhe përballimin e situatave të emergjencave civile dhe rritjen e gatishmërisë për përballimin e situatave të zjarreve…”.

Në projektin e Bashkisë së Elbasanit parashikohet ngritja e një stacioni të ri zjarrëfikësesh në zonën e Bradasheshit.

Opozita e djathtë në Këshillin Bashkiak të Elbasanit e kundërshtoi këtë projekt të kryebashkiakut Gledjan Llatja. Duke e vlerësuar ngritjen e një stacioni zjarrëfikësish si të domosdoshëm, këshilltarëve opozitarë u shprehën tërësisht kundër shkurtimit të Fondeve të Emergjencës për këtë projekt të ri.

Kryetarja e këshilltarëve opozitarë, Bianka Çopja, deklaroi në mbledhje se grupi që ajo përfaqëson mbështet idenë e forcimit të kapaciteteve për zjarrëfikësit, megjithatë, vendimi për shkurtimin e Fondeve të Emergjencës është një veprim tërësisht i pamatur dhe në kundërshtim me interesat e qytetarëve të Elbasanit.

“Duhet të jemi të qartë se nuk jemi kundër ndërtimit të një stacioni zjarrëfikës, por jemi kundër të përdorimit të fondit të Emergjencave për rikonstruksion apo ndërtim godine. Fondi i Emergjencave Civile ka një qëllim shumë të qartë-të përdoret në situata emergjente dhe jo për mungesë të planifikimit të Bashkisë për ndërtime”, tha Çopja gjatë një debati me kryebashkiakun Llatja.

Më tej, ajo theksoi se, nëse ndërtimi i një godine të re për zjarrëfikësit ka qenë e nevojshme, “Bashkia duhet ta kishte planifikuar këtë ndërtim që në kohën e hartimit të Buxhetit për vitin 2026”.

Duke vijuar me kundërshtinë e saj, kryekëshilltarja opozitare Çopja i sugjeroi Bashkisë që “ta shtyjmë miratimin e këtij projekti për vitin e ardhshëm, duke qenë se edhe viti aktual po mbaron. Në dhjetor planifikohet buxheti i ri. Ndaj, nuk kemi pse prekim fondin e Emergjencave Civile, sepse nuk mund si rubrikë buxhetore, sa herë Bashkisë i duhet një investim i ri”.

Çopja u bëri thirrje këshilltarëve socialistë që “të mos e prekin fondin e emergjencës, pasi, përballë një situate të vështirë, Elbasani nuk do të ketë mundësinë të përballojë asnjë problematikë madhore”.

Qëndrimi dhe thirrja e opozitës nuk ndikoi aspak në vendimmarrjen e këshilltarëve socialistë, të cilët miratuan me shumicën e votave projektin e Bashkisë për të shkurtuar me plot 110 mijë euro Fondin e Emergjencave Civile, një vlerë që është më shumë se një e katërta e fondit vjetor për këtë fushë.

Pasojat e vendimmarrjes së këshilltarëve të shumicës u panë qartë gjatë fundjavës, sidomos ditën e shtunë, kur disa minuta shi, përmbytën tërësisht rrugët e qytetit. Me dimrin e pritshëm, qyteti i Elbasanit pritet të përballet me situata akoma më të vështira, ndërkohë që mbetet për t’u parë se sa do të jenë të mjaftueshme fondet që ka Bashkia për Emergjencat Civile./boldnews.al

Po ndodh...

09:08 AKTUALITET

Viti i ri shkollor risjell edhe trafikun, paralizohet Tirana! Situatë e kaotike te Unaza e Madhe

08:56 EKONOMI&SOCIALE

Këmbimi valutor, 14 shtator/ Me sa blihen e shiten sot monedhat e huaja

08:48 KOSOVA

Akuza e Hagës për pengim të drejtësisë/ Prokuroria kërkon 6 vite burg për Hashim Thaçin, sot mbahen deklaratat përfundimtare 

08:32 POLITIKË

Sot nis viti i ri shkollor! 25 mijë nxënës u drejtohen klasave të para, mesazhi i ministres së Arsimit

08:21 JETË

Horoskopi Ditor E Hënë 14 Shtator 2026

08:11 AKTUALITET

Java nis me diell! Ja si do të jetë moti këtë të hënë në Shqipëri

07:59 AKTUALITET

Ngjarje e rëndë në Roskovec/ Sulmoi me çekiç babain e ish-bashkëjetueses, autori rezulton daja i Zegjine Çaushit

00:02 FJALEKRYQI

Skemë e lirë 14 shtator

18:00 EKONOMI&SOCIALE

Credins bank sjell Visa Infinite, kartën e parë metalike në Shqipëri!

23:48 SPORT

Shokohet Man United,VAR-i gaboi te goli i Haalandit

23:32 POLITIKË

“Nesër më shumë!”/ Mbyllet protesta e 106-të kundër qeverisë, qytetarët: Rezistenca do të vijojë!

23:05 AKTUALITET

Kishte dalë me leje nga burgu, Alket Rizai përfshihet në një konflikt me armë zjarri në Greqi, 2 të plagosur

22:41 BOTA

Aksident tragjik në Turqi, autobusi përplaset me kabinën e pagesës dhe shpërthen në flakë, 2 persona humbin jetën

22:22 POLITIKË

“O hajdute!”/ Protestuesit kapin në befasi Ballukun, largohet "me vrap" drejt makinës!

Dua të lexoj më shumë lajme