Lajme flash
Nën hetim për tenderat e rikonstruksionit të komisariateve/ Ndreca del SPAK: Nuk është konstatuar shkelje...
20 Shkurt 2025, 15:43 / POLITIKË
Deputeti i Partisë Socialiste Plarent Ndreca, ka reaguar lidhur me hetimet për garën e prokurimit për rikonstruksionin e komisariateve të policisë, duke deklaruar se nuk është gjetur asnjë shkelje.
Ai theksoi se as Kontrolli i Lartë i Shtetit (KLSH) dhe as ndonjë institucion tjetër nuk kanë raportuar për shkelje në procedurën e prokurimit. Ndreca përmendi gjithashtu vendimin e Gjykatës Administrative, e cila ka konfirmuar se vlerësimi i procedurës është i saktë dhe i drejtë.
Ai shtoi se është kërkuar pushimi i çështjes, pasi janë konstatuar shkelje proceduriale nga Prokuroria, dhe se procedura e prokurimit nuk ka ndikuar në harxhimin e fondeve të buxhetit të shtetit.
Deputeti i PS Plarent Ndreca: Nuk është gjendur asnjë shkelje në lidhje me garën. Nuk besoj se ka të përfshirë. As KLSH, asnjë institucion nuk ka parë asnjë shkelje në procedurën e prokurimit për rikonstruksionin e komisariateve të policisë.
Gjykata Administrative ka thënë se vlerësimi është i saktë dhe i drejtë. Kemi kërkuar pushimin e çështjes, kemi konstatuar shkelje proceduriale nga Prokuroria. Procedura nuk ka harxhuar asnjë para nga buxheti i shtetit.
Po ndodh...
ide
top
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128