Rivaliteti i qirave kthehet në zjarr, 33-vjeçari i vë flakën apartamentit në Vlorë teksa brenda ndodheshin vëlla e motër

Policia e Vlorës ka zbardhur brenda 48 orësh autorësinë e djegies së një apartamenti në lagjen “Lef Sallata”, ngjarje e cila fillimisht u dyshua se ishte shkaktuar aksidentalisht. 

Në pranga ka rënë shtetasi B. H., 33 vjeç, i dyshuar se i ka vënë zjarrin derës së një apartamenti ku ndodheshin dy persona, vëlla e motër.

Sipas hetimeve paraprake, motivi i ngjarjes dyshohet të ketë qenë konkurrenca në biznes, pasi autori dhe pronarët e apartamentit ushtronin të njëjtën veprimtari ekonomike, atë të dhënies së apartamenteve me qira në qytetin e Vlorës.

“Vlorë/Zbardhen brenda 48 orëve, autorësia dhe rrethanat e djegies së një apartamenti në lagjen “Lef Sallata”, ngjarje e cila fillimisht u dyshua aksidentale.

I vuri zjarrin apartamentit në orët e para të mëngjesit, ku ndodheshin 2 shtetas (vëlla e motër), për motive konkurrence, identifikohet dhe arrestohet 33-vjeçari.

Si pasojë e flakëve pati vetëm dëme materiale të konsiderueshme në banesë.

Menjëherë pas njoftimit, rreth orës 02:40 të datës 04.08.2026, se po digjej një apartament në lagjen “Lef Sallata”, specialistët për Hetimin e Krimeve të Komisariatit të Policisë Vlorë shkuan në vendngjarje, ku në drejtimin e Prokurorisë, kryen veprimet e nevojshme hetimore dhe procedurale për sqarimin dhe dokumentimin e autorësisë dhe rrethanave të rastit. Si rezultat, 48 orë pas kryerjes së krimit, u mundësuan identifikimi, kapja dhe vënia në pranga e autorit të dyshuar, shtetasit B. H., 33 vjeç.

Paraprakisht dyshohet se 33-vjeçari, në orët e para të mëngjesit, i ka vënë zjarrin derës së apartamentit, për motive konkurrence me pronarët, duke qenë se ushtronin veprimtari ekonomike të njëjtë, atë të qiradhënies së apartamenteve në Vlorë.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme, për veprën penale “Shkatërrimi i pronës me zjarr”“, thuhet në njoftimin e policisë.

Po ndodh...

13:49 AKTUALITET

Fundjavë përvëluese, termometri pritet të shkojë në 41 gradë Celsius

13:35 BOTA

VIDEO/ Kamioni kalon në korsinë e kundërt dhe përplaset me 4 mjete, një i vdekur dhe 10 të plagosur në Turqi

13:15 AKTUALITET

U arrestua në Rinas, Gjykata e Tiranës lë në burg turken Julide Yazici

12:57 SPORT

Real Madrid merr një vendim radikal pas dështimit të transferimit të Rodrit

12:41 POLITIKË

Shqiptari identifikohet si autori i grafiteve me kërcënime ndaj Giorgia Melonit, i ndalohet hyrja në Siena për 4 vite

12:35 SPORT

Tragjike/ I rezistoi grabitjes, autorët godasin me gurë futbollistin David Owori, ndërron jetë në spital

12:11 AKTUALITET

11 vite nën lupë/ 610 zyrtarë të kallëzuar, por sa prej tyre u ndëshkuan realisht?

11:55 SPORT

Detyrime ndaj ish-lojtarëve, alarm te Dinamo, FiFA i bllokon merkaton

11:52 POLITIKË

Pas lirimit të Ilir Beqajt nga burgu, vajza e tij heq dorë nga shtetësia shqiptare

11:43 AKTUALITET

Përplasja ballore që i mori jetën nënës dhe djalit shqiptar në Greqi, kamera e kamionit zbulon sekondat e fundit para tragjedisë

11:38 KOSOVA

Ngërçi politik në Kosovë/ A pritet marrëveshje sot? Heshtje nga LVV dhe LDK

11:20 POLITIKË

Rama premton “Shqipëria 2030”, Financial Times: Anëtarësimi mbetet larg, vendimin e ka Brukseli

11:05 AKTUALITET

Televizionet shqiptare qarkullojnë miliona, por fitimet bien/ Klan e Top Channel dominojnë tregun, të tjerët në luftë për mbijetesë

11:02 BOTA

Goditje e fortë për gjigantin e rrjeteve sociale, Meta gjobitet me 567 milionë dollarë

Dua të lexoj më shumë lajme