Lajme flash
“Di Maria është i rrezikshëm pavarësisht moshës”, Hansi Flik qetëson tifozët: Barcelona fiton në nder të mjekut tonë!
10 Mars 2025, 15:25 / SPORT
Barcelona do të presë nesër në oën 18:45 Benfikën në ndeshjen e kthimit për fazën e 1/8-ave në Champions. Në prag të kësaj sfide, trajneri Hansi Flik doli në konferencën e zakonshme për mediat. Para se të fillonte seanca, u mbajt një minutë heshtje me respekt dhe nga zemra.Pas gjithë asaj që ka ndodhur, si po e përballoni ndeshjen ndaj Benfikës?
“Mendoj se skuadra po e trajton mirë situatën. Jemi shumë të fokusuar te loja, e kam thënë tashmë pas Lisbonës, se kjo ishte vetëm ndeshja e parë. Ata janë të mirë në tranzicione dhe këtë ia kam shpjeguar edhe ekipit.”
Si mund të menaxhoni një situatë si kjo që po përjetoni? Si e keni arritur atë?
“Presidenti erdhi dje në dhomat e zhveshjes dhe foli. Dhe unë po ashtu. Është një humbje e madhe. Karles ishte një person i madh dhe një mjek i madh. Ishte një pjesë shumë e rëndësishme e suksesit tonë. Do të na mungojë. Por skuadra dëshiron të luajë për të. Kjo situatë është e rëndësishme. Jemi të fokusuar tek fitorja. Skuadra është e fokusuar, duhet të vazhdojmë të ecim përpara. Është një moment i rëndësishëm për klubin, tifozët… ne duam të bëjmë mirë dhe fitorja është e rëndësishme.”
“Ai është në formë të shkëlqyer, vendosëm t’i japim një pushim të shtunën. Gjatë seancës stërvitore para ndeshjes ai ndjeu një shqetësim për shkak të lodhjes dhe vendosëm ta lëmë të pushojë.”
Jeni të shqetësuar për ndjenjën që të gjithë mendojnë se jeni tashmë në çerekfinale?
“E shoh skuadrën shumë të përqendruar dhe biseduam për këtë në mëngjes. Në bisedë kemi treguar të mirat dhe të këqijat e udhëtimit dhe nga ana jonë askush nuk mendon se puna është kryer. Ne duam që qëndrimi të jetë korrekt”.
A ka ndonjë shans për një surprizë?
“Unë mendoj se ata e kanë të qartë mënyrën se si duan të luajnë dhe ne gjithashtu dimë se si ta bëjmë këtë. Nuk besoj se do të ketë surpriza.”
Jeni të befasuar nga qetësia e Sheznit gjatë ndeshjeve?
“E them gjithmonë se është portier i pjekur, me përvojë, i qetë… personaliteti i tij na ndihmon dhe po bën një punë të shkëlqyer.”
Sa i rëndësishëm është Rafinja për ekipin? E shihni si kandidat për Topin e Artë?
“Sigurisht, nëse ai bën mirë këtë sezon, ai mund të ketë një shans. Ai na ndihmon gjithmonë shumë dhe nëse i sheh golat që ka shënuar, të tregon se sa i uritur është. E shihni, është mirë të shohësh se sa i fokusuar është. Jam i kënaqur me nivelin e tij.”
A është kjo java më e rëndësishme e sezonit me ndeshjet kundër Benfikas dhe Atletikos?
“Është gjithmonë kështu, ishte edhe java e Bajernit dhe më pas e Real Madridit… të gjithë janë të rëndësishëm. Jemi në një moment të madh. Jemi në gjendje të mirë shpirtërore dhe kemi besim, dhe duhet ta ruajmë këtë.”
Keni frikë nga ndonjë surprizë e minutës së fundit nga Bruno Lage?
“Ata kanë një ekip me lojtarë shumë të mirë. Ata kanë një trajner të madh. Duhet të jemi 100% të përqendruar dhe është më mirë të mos mendojmë për ndeshjen e parë. Duhet ta fitojmë ndeshjen. Ata kanë luajtur shumë mirë në ndeshjet e tyre jashtë fushe në Champions dhe ne duhet të shqetësohemi për këtë”.
“Ata zakonisht shtypin gjithmonë nga lart. Ata bëjnë shumë mirë, kanë fituar shumë ndeshje jashtë fushe. Duhet të fokusohemi në këtë.”
“Gjithçka ka të bëjë me posedimin, si në sulm ashtu edhe në mbrojtje. Duhet të bëjmë presion ndaj kundërshtarëve tanë dhe këtë duam të bëjmë.”
Çfarë humb Benfika pa Angel Di Maria?
“Tashmë thashë se ai ishte një nga lojtarët e mi të preferuar. Nuk do të flas për lojtarët që nuk do të jenë këtu. Ai është një futbollist fantastik dhe i rrezikshëm pavarësisht moshës së tij.”
-
-
-
-
Familja Borgia: Përtej legjendës së zezë
10 Mars, 14:55
ide
Shqipëria Madhështore apo Shqipëria e Pazarit!
Nga Ermal Peçi!
Opozita, akoma larg një projekti për rrotacionin e pushtetit
Nga Preç Zogaj
top
receta Alfa
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128