Terror në fluturimin Dubai-Tel Aviv! Sulm me thikë në kabinën e pilotit, pasagjerët neutralizojnë agresorin

Incident dramatik në fluturimin FZ1073 të Flydubai, i cili po udhëtonte nga Dubai drejt Tel Avivit, por u detyrua të kryente një ulje emergjente në Arabinë Saudite pas një incidenti në kabinën e pilotit. Avioni u ul në aeroportin e Tabukut, ndërsa pamjet e publikuara nga mediat izraelite tregojnë pasagjerët duke duartrokitur dhe kënduar, dukshëm të lehtësuar pasi avioni zbriti në tokë.

Fluturimi kishte transmetuar një sinjal rreziku, duke shkaktuar alarm te autoritetet izraelite, të cilat fillimisht morën në konsideratë edhe mundësinë e një rrëmbimi të avionit.

תיעוד מהמטוס שנחת בסעודיה: "השתלטנו על המחבלים. כל מי ששומע אותי – אנחנו צריכים עזרה"https://t.co/qp31UziuJB@NoganNir pic.twitter.com/Od4nR7c4Vq

— חדשות 13 (@newsisrael13) September 30, 2026

?✈️???? Un vol Flydubai reliant Dubaï à Tel-Aviv a déclenché le code d’urgence signalant un possible détournement alors qu’il transportait environ 180 passagers.

L’appareil a été dérouté vers l’Arabie saoudite. pic.twitter.com/JCAcaidYT0

— KRONIK Insights (@KRONIKInsights) September 30, 2026

Një prej pasagjereve, e identifikuar vetëm si Meital, i tha Kanalit 12 të Izraelit se një anëtar i ekuipazhit në kabinën e pilotit ishte përpjekur të shkaktonte rrëzimin e avionit dhe se pasagjerët ndërhynë për ta ndaluar.

Ajo tha se bashkëshorti i saj ishte mes personave që u përfshinë në neutralizimin e tij. “Dikush bërtiti ‘thikë’ dhe burri im e kuptoi menjëherë se çfarë po ndodhte. Ai vrapoi në pjesën e përparme të aeroplanit dhe së bashku me izraelitë të tjerë e neutralizuan terroristin”, tha ajo. “Kishte plagë thike dhe shumë gjak”, shtoi gruaja, duke përshkruar gjendjen e pasagjerëve pas incidentit. “Jemi shumë të stresuar dhe nën presion të madh. Është shumë e vështirë për mua të flas”, u shpreh ajo.

Edhe një tjetër pasagjer, në një video të dërguar familjes së tij, foli për një person që e cilësoi si “terrorist” dhe që, sipas tij, ishte përpjekur të merrte kontrollin e avionit. Ai tha se kishte marrë pjesë në përpjekjet për ta imobilizuar dhe se personi ishte lidhur. Sipas Kanalit 12, në bordin e avionit ndodhej edhe një grup pilotësh që udhëtonin si pasagjerë, të veshur civilë. Sipas raportimeve të medias izraelite, ata ndihmuan në përballimin e situatës dhe në parandalimin e marrjes së kontrollit të avionit nga një prej pilotëve. Të njëjtin informacion e ka dhënë edhe nëna e një prej pasagjerëve, në deklaratat e saj për aeroportin Ben Gurion.

Një zyrtar izraelit, i cituar nga i njëjti publikim, pretendoi se nëse këta pilotë nuk do të kishin qenë në bord, situata mund të kishte marrë përmasa shumë më të rënda. Ai e krahasoi skenarin e mundshëm me sulmet e 11 shtatorit 2001 ose krizën e pengjeve në Entebbe në vitin 1976. Ky pretendim, megjithatë, nuk është konfirmuar zyrtarisht. Ndërkohë, sipas medias izraelite Walla, piloti që po hetohet është shtetas i Omanit. Fotot e publikuara pas uljes në Arabinë Saudite tregojnë dëmtime në pjesën e bishtit të avionit, të cilat dyshohet se janë shkaktuar gjatë rënies së menjëhershme të tij në fluturim. Sipas një analize të të dhënave të fluturimit, avioni ka humbur rreth 4,360 metra lartësi brenda vetëm 37 sekondash. Pas uljes së avionit në mënyrë të sigurt në Arabinë Saudite, mbetet ende e hapur çështja e kthimit të pasagjerëve në Izrael.

Flydubai ka njoftuar se do të dërgojë një tjetër avion në aeroportin e Tabukut për të marrë pasagjerët dhe për të vijuar udhëtimin drejt Tel Avivit. Megjithatë, sipas raportimeve të mediave izraelite, autoritetet në Jerusalem po shqyrtojnë edhe mundësinë e dërgimit të avionëve civilë ose ushtarakë izraelitë për të rikthyer pasagjerët. Hetimet për ngjarjen vazhdojnë, ndërsa autoritetet nuk kanë dhënë ende një version përfundimtar mbi atë që ka ndodhur brenda kabinës së pilotit dhe shkaqet e incidentit.

Footage taken by a passenger aboard the flydubai flight from Dubai to Tel Aviv after the plane took a rapid plunge. pic.twitter.com/O3vd5644pL

— Emanuel (Mannie) Fabian (@manniefabian) September 30, 2026

❗? ‘Two Other Pilots Took Control’: Passenger’s Mother Recounts Flydubai Mid-Air Scare

"He took a knife and tried to kill the pilot," recounted a passenger's mother, adding that her daughter heard screams and calls for help before the plane began to lose control.

Israeli… https://t.co/4shM811Qnl pic.twitter.com/OsLwlfCd8W

— RT_India (@RT_India_news) September 30, 2026

Po ndodh...

13:33 SPORT

Largimi i Messit ndryshon hierarikitë, ja kapitenët e Argjentinës

13:20 POLITIKË

Skandali me Vjosa Hysenin/ Çuçi: Këshilli i Sigurisë Kombëtare do të mblidhet sërish pas auditimit të SHISH!

13:05 SPORT

Al-Khelaifi nuk do të jetë kandidat në zgjedhjet presidenciale të FIFA-s: Nuk kam interes

13:04 AKTUALITET

Ndezën zjarre në Kombinat dhe Prush, arrestohen dy të dyshuar

12:55 BOTA

Alarm nga reshjet e dendura në Spanjë, përmbytjet paralizojnë Barcelonën dhe anulohen mbi 100 fluturime

12:51 SPORT

Pas humbjes ndaj Greqisë, Gjermania kërkon reagimin, pret Serbinë në “Allianz Arena”

12:30 AKTUALITET

Trafik droge dhe grup kriminal/ Apeli i GJKKO lë në fuqi dënimet për Gëzim Bakallin dhe Erjon Locin

12:01 BOTA

Negociatat SHBA-Iran vijojnë me ndërmjetësimin e Katarit, mbeten ende pengesa për marrëveshjen

11:49 KOSOVA

Çështja e Presidentit në Kosovë, reagon Kurti: Situatë urgjente për veprim

11:37 POLITIKË

“62% e njerëzve në burgje janë të paraburgosur”, Rama thirrje prokurorëve dhe gjyqtarëve: S’mund të vazhdojmë me shifra të tilla

11:28 AKTUALITET

"Nuk e di pse kisha një parandjenjë"/ Kreu i policisë së Korçës del pas 40 minutash nga SPAK

11:10 AKTUALITET

Ngordhja e peshqve në liqenin e Kasharajt në Lushnjë, procedohet administratori i firmës së rehabilitimit të digës

11:01 POLITIKË

"Rama po reagon në mënyrë represive dhe autoritare", Eurodeputeti: Von Der Leyen t’i kërkojë llogari

10:59 BOTA

Kaos në Francë, nxënësit dalin në protestë dhe bllokojnë shkollat, arrestohen 440 persona

Dua të lexoj më shumë lajme