Skandali me Vjosa Hysenin/ Çuçi: Këshilli i Sigurisë Kombëtare do të mblidhet sërish pas auditimit të SHISH!

Çështja e ish-drejtoreshës së Shërbimit Informativ të Shtetit, Vlora Hyseni, pritet të rikthehet për diskutim në Këshillin e Sigurisë Kombëtare, pasi SHISH të përfundojë një auditim të thelluar për të verifikuar nëse situata e krijuar ka sjellë pasoja në funksionimin e institucionit.

Lajmin e bëri të ditur kryetari i Komisionit parlamentar të Sigurisë, Bledi Çuçi, gjatë mbledhjes ku u diskutuan zhvillimet e fundit në institucionet e sigurisë dhe masa e sigurisë ndaj Hysenit.

Çuçi tha se Presidenti e kishte mbledhur Këshillin e Sigurisë Kombëtare të hënën, ku SHISH kishte paraqitur një informacion paraprak lidhur me situatën. Sipas tij, në atë mbledhje është kërkuar kryerja sa më shpejt e një auditimi të thelluar.

 “Në lidhje me këtë çështje, Presidenti mblodhi Këshillin e Sigurisë Kombëtare të hënën dhe aty pati një informacion paraprak nga SHISH. Po në Këshill u la detyra që të bëhet sa më shpejt një auditim i thellë në lidhje me ndonjë pasojë të mundshme, nëse ka, për funksionimin e SHISH dhe besoj se shumë shpejt do të kemi një mbledhje të Këshillit të Sigurisë Kombëtare, ku do të diskutohet edhe më gjerësisht pasi të jetë bërë ky auditim”, deklaroi Çuçi.

Kreu i Komisionit të Sigurisë sqaroi se auditimi do të kryhet nga vetë SHISH, në funksion të informacionit që do t’i përcillet Këshillit të Sigurisë Kombëtare. Ndërkohë, ai theksoi se edhe Kuvendi ka mekanizmat e tij të kontrollit mbi institucionet e sigurisë. Çuçi kërkoi që fillimisht të lihet Prokuroria të përfundojë hetimet për rolin e ish-drejtoreshës së SHISH, përpara se institucionet politike të ndërmarrin hapa të tjerë.

“Edhe komisioni ynë ka një rol në këtë aspekt, por duhen ndjekur të gjitha hallkat shtetërore dhe së pari duhet lënë Prokuroria të hetojë deri në fund përfshirjen e ish-drejtoreshës së SHISH në lidhje me çështje që kanë të bëjnë me sigurinë ose jo. Pasi të kemi një qetësim të situatës, edhe ne kemi instrumentet tona për të thirrur për të raportuar institucionet e sigurisë për këtë çështje. Ta bëjë Prokuroria e qetë punën e saj dhe të kalojmë këto filtra të informacionit që vijnë nga një institucion kaq i rëndësishëm siç është SHISH dhe pastaj jemi dhe ne. Me kohën do të sqarohen të gjitha përgjegjësitë e secilit, qoftë penale, qoftë administrative”, u shpreh ai.

Çuçi foli edhe për një nismë të opozitës lidhur me këtë çështje. Sipas tij, është paraqitur nga Partia Demokratike një kërkesë për mocion, e cila pritet të shqyrtohet në mbledhjen e Kryetarëve.

“Për sa i takon iniciativave politike, jam informuar që PD ka bërë një kërkesë për mocion për këtë çështje dhe kjo çështje mendoj që do të diskutohet në mbledhjen e Kryetarëve, që në dijeninë time është lënë për nesër”, përfundoi Çuçi.

Po ndodh...

13:04 AKTUALITET

Ndezën zjarre në Kombinat dhe Prush, arrestohen dy të dyshuar

12:55 BOTA

Alarm nga reshjet e dendura në Spanjë, përmbytjet paralizojnë Barcelonën dhe anulohen mbi 100 fluturime

12:51 SPORT

Pas humbjes ndaj Greqisë, Gjermania kërkon reagimin, pret Serbinë në “Allianz Arena”

12:30 AKTUALITET

Trafik droge dhe grup kriminal/ Apeli i GJKKO lë në fuqi dënimet për Gëzim Bakallin dhe Erjon Locin

12:01 BOTA

Negociatat SHBA-Iran vijojnë me ndërmjetësimin e Katarit, mbeten ende pengesa për marrëveshjen

11:49 KOSOVA

Çështja e Presidentit në Kosovë, reagon Kurti: Situatë urgjente për veprim

11:37 POLITIKË

“62% e njerëzve në burgje janë të paraburgosur”, Rama thirrje prokurorëve dhe gjyqtarëve: S’mund të vazhdojmë me shifra të tilla

11:28 AKTUALITET

"Nuk e di pse kisha një parandjenjë"/ Kreu i policisë së Korçës del pas 40 minutash nga SPAK

11:10 AKTUALITET

Ngordhja e peshqve në liqenin e Kasharajt në Lushnjë, procedohet administratori i firmës së rehabilitimit të digës

11:01 POLITIKË

"Rama po reagon në mënyrë represive dhe autoritare", Eurodeputeti: Von Der Leyen t’i kërkojë llogari

10:59 BOTA

Kaos në Francë, nxënësit dalin në protestë dhe bllokojnë shkollat, arrestohen 440 persona

10:42 BOTA

Ekzekutohet biznesmeni i njohur në Bullgari, pronari i Botev Plovdiv qëllohet për vdekje me plumb në kokë

10:35 POLITIKË

Ambasadori amerikan Eric Wendt takon kryeministrin Rama, postojnë foto së bashku

10:26 AKTUALITET

Kryepolici Vilson Bala paraqitet në SPAK, dyshime për kontakte me Ergys Agasin kur drejtoi Policinë e Durrësit

Dua të lexoj më shumë lajme