Atentati në Dukagjin/Babë e bir u ekzekutuan me breshëri plumbash, pista kryesore e hetimit

Detaje të reja janë zbardhur nga atentati i rëndë në Dukagjin, ku mbetën të vrarë babë e bir, ndërsa një person tjetër që ndodhej në automjet shpëtoi dhe ndodhet jashtë rrezikut për jetën.

Viktimat janë identifikuar si Prelë Gjoni, 82 vjeç, dhe djali i tij, Lekë Gjoni, 57 vjeç. Në automjet ndodhej edhe Lazër Bashi, i cili mbeti i plagosur. Pas marrjes së ndihmës mjekësore në Shkodër, ai u transportua drejt Tiranës për trajtim të specializuar.

Atentati dyshohet se ka ndodhur rreth orës 16:00, në rrugën e fshatit Xhan. Babë e bir po ktheheshin nga banesa e tyre e vjetër në Dukagjin, kur automjeti u qëllua me breshëri plumbash nga persona ende të paidentifikuar.

Në vendin e ngjarjes janë gjetur më shumë se 50 gëzhoja. Sipas të dhënave paraprake, autorët kanë përdorur dy armë zjarri, një kallashnikov dhe një MP5. Përdorimi i dy armëve ka ngritur dyshimet se në atentat mund të kenë marrë pjesë të paktën dy persona.

Forca të shumta policie dhe efektivë të RENEA-s janë angazhuar në kontrollet në zonën e thellë malore për gjetjen e autorëve. Mbërritja në vendngjarje është vonuar për shkak të terrenit të vështirë dhe mungesës së sinjalit telefonik.

Familjarët kanë deklaruar se viktimat nuk njiheshin për konflikte dhe nuk kishin dijeni për kërcënime të mëparshme.

Dyshimet momentale të policisë për këtë vrasje janë tek divorci i 57 vjeçarit tre muaj më parë me bashkëshorten e tij me të cilën ka 4 fëmijë. Megjithatë ende nuk ka prova konkrete që e lidhin vrasjen me divorcin por kjo është pista ku grupi hetimor është fokusuar menjëherë pas vrasjes së dyfishtë.

Nga ana tjetër, Lekë Gjoni punonte me një kamion dhe ditët e fundit kishte ngarkuar materiale ndërtimi për një banesë në fshatin Gjuraj të Dukagjinit dhe po ashtu kishte edhe një eskavator bashkë me një shtetas tjetër të zonës që po ashtu punonin.

Policia dhe Prokuroria po punojnë për identifikimin e autorëve dhe zbardhjen e motivit të vrasjes së dyfishtë.

Po ndodh...

08:42 POLITIKË

Pas drejtuesve të PS, Rama mbledh ministrat. Çfarë pritet të diskutohet në Pogradec

08:32 EKONOMI&SOCIALE

Çfarë po ndodh me monedhat e huaja? Ja sa shitet dhe blihet euro dhe dollari për ditën e sotme

08:23 KOSOVA

Tragjike në Kosovë/ Gruaja shtatzënë humb jetën pas të shtënave me armë, plagoset një person

08:22 JETË

Horoskopi Ditor E Hënë 24 Gusht 2026

08:00 AKTUALITET

Java nis me temperatura të larta, ja si do të jetë moti këtë të hënë në Shqipëri

00:00 FJALEKRYQI

Skemë e lirë 24 gusht

23:57 AKTUALITET

U aksidentua në krye të detyrës, pas shtatë ditësh në spital, ndërron jetë polici Altin Kryeziu

23:34 AKTUALITET

Zjarr pranë tunelit në Ujin e Ftohtë, flakët përfshijnë pishat, rrezikohen bizneset e hotelet

23:12 SPORT

Haaland befason fansat, ndryshon look-un para debutimit me Manchester Cityn

22:53 BOTA

2027 pritet të thyejë rekordin e temperaturave, fenomeni El Nino mund të jetë më i rrezikshëm

22:13 POLITIKË

VIDEO/ Nga “Shqipëria turistike” te balta e Homçanit, 78-vjeçari pret 5 orë për të takuar Ramën, kryeministri urdhëron asfaltimin e rrugës

22:10 MISTERE&KURIOZITETE

Kur temperaturat bëhen rrezik: Si mund të favorizojë vapa formimin e trombeve

22:09 BOTA

Skandal në Slloveni, presidentja përballet me dyshime për lidhje me Rusinë

21:44 POLITIKË

Dita e 85-të/ Nis marshimi në rrugët e Tiranës: Rama në burg, Berisha në burg!

Dua të lexoj më shumë lajme