Debate në seancën në GJKKO për ish-çiftin Meta, avokati i Kryemadhit: Çështja është politike, jo penale!

Avokati i Monika Kryemadhit, Redi Llanaj, ka paraqitur në gjykatë kundërshtimet ndaj akuzave të ngritura nga SPAK ndaj ish-deputetes, duke pretenduar se çështja nuk ka bazë penale dhe se hetimi është i motivuar politikisht. Gjatë seancës, Llanaj deklaroi se edhe vetë SPAK ka pranuar se blerja e vilës nuk lidhet me korrupsionin.

“Vetë SPAK pranon se blerja e vilës nuk ka korrupsion. Kjo çështje nuk është juridike, por politike. Këtu nuk ka fakt penal. Prokurori është kthyer në një vegël”, u shpreh avokati. Deklarata solli ndërhyrjen e gjyqtarit Erion Bani, i cili i kërkoi avokatit të ruante solemnitetin e seancës dhe të shmangte terma që mund të cenonin institucionin e drejtësisë.

Llanaj u përgjigj se fjala “vegël” nuk ishte fyese, por nënkuptonte “instrument”. Në vijim, mbrojtja kërkoi kryerjen e një akt-ekspertimi të ri kontabël për të ardhurat ndër vite të çiftit Ilir Meta dhe Monika Kryemadhi, duke kundërshtuar ekspertizën e përdorur nga SPAK. Sipas avokatit, ekspertiza aktuale është e njëanshme dhe duhet të konsiderohet e pavlefshme.

“Ne kemi paraqitur një akt-ekspertim që e kundërshton këtë akt. Ky është momenti për të caktuar një ekspert të pavarur ose një grup ekspertësh, pasi bëhet fjalë për një provë thelbësore”, deklaroi Llanaj. Mbrojtja kërkoi gjithashtu marrjen në pyetje të Adrian Shatkut përmes letërporosisë, duke pretenduar se dëshmia e tij mund të sqarojë rolin e Kryemadhit në një marrëveshje mes kompanisë së tij UNIFI dhe Vodafone Albania.

Avokati tha se Shatku mund të sqarojë mënyrën e njohjes me Kryemadhin, si nisi kontrata me Vodafone dhe nëse ish-deputetja kishte kompetencë për të negociuar një marrëveshje të tillë. Sipas SPAK, Adrian Shatku kërkonte që kompania UNIFI të lidhte një kontratë ndërkombëtare interkoneksioni me Vodafone Albania. Prokuroria pretendon se nga komunikimet e gjetura në telefonin e Monika Kryemadhit rezulton se ajo dhe Ilir Meta janë angazhuar për të ndihmuar në realizimin e kësaj marrëveshjeje. Në dosje përmenden komunikime me drejtues të Vodafone Albania dhe biseda me Shatkun për zhvillimin e negociatave. Pikërisht për këtë arsye, mbrojtja kërkoi edhe dëshminë e një shtetasi afrikano-jugor, i cili sipas avokatit mund të sqarojë nëse Kryemadhi kishte rol real në këtë proces. Gjithashtu, Redi Llanaj kërkoi që në proces të pyeten edhe disa persona të tjerë, mes tyre Esmeralda Shkjau, Vali Bizhga, kryeministri Edi Rama, ish-ministri i Energjisë dhe Industrisë Damian Gjiknuri, si dhe deputetë që kanë propozuar ndryshime në ligjin nr. 134/2014.

Mbrojtja pretendon se këto dëshmi janë të nevojshme për të sqaruar rrethanat e çështjes dhe për të kundërshtuar pretendimet e ngritura nga SPAK.

Po ndodh...

17:37 AKTUALITET

Plagosje me thikë në Shëngjin

17:12 SPORT

Drita barazon ndaj Zhalgiris Kaunas, gjithçka mbetet e hapur për ndeshjen kthyese

17:10 FJALEKRYQI

Skemë kampionësh 9 korrik

16:53 AKTUALITET

SPAK aksion të gjerë kundër tjetërsimit të pronave! Goditet Kadastra e Durrësit, 12 masa sigurie për zyrtarë, ish-zyrtarë dhe përfitues 

16:39 POLITIKË

Përfundon seanca në GJKKO për Metën dhe Kryemadhin, gjykata cakton datën e radhës

16:22 BOTA

SHBA i shet Gjermanisë raketa Tomahawk, Merz: Po mbyllim një boshllëk strategjik në mbrojtje

16:07 AKTUALITET

Vrasja në Shkodër/ Të afërmit në lot: Familje e qetë, nuk kanë pasur probleme

15:41 BOTA

Revolver me fishekë realë, a e morën liderët e NATO-s dhuratën e Erdogan?

15:35 POLITIKË

“Denoncuam në Bruksel 4 ligjet famëkeqe”, deputeti Redi Muçi, takim në zyrën e Komisioneres për Zgjerimin

15:30 BOTA

SHBA sulme të reja ndaj Iranit, Axios: Përshkallëzimi mund të zgjasë një muaj

15:24 POLITIKË

SPAK kundër krimit të jakave të bardha/ "PËRBALLJA", libri më i ri i Azgan Haklajt për koorporatën Krim-Politikë

15:04 POLITIKË

Historia/ Pse e ndajmë politikën në të majtë dhe të djathtë? ‘Fajin’ e ka Franca

14:56 POLITIKË

“Reuters” për skandalin me koncertin e Kanye West: Rama mbron 4 milionë eurot, protestuesit duan largimin si i korruptuar!

14:52 KOSOVA

Kosova rrezikon të zhytet sërish në krizë politike, AAK: Nuk do të bëjmë aleancë qeverisëse me Albin Kurtin!

Dua të lexoj më shumë lajme