Lajme flash
Turizmi nxit hapjen e bizneseve të reja/ Eksperti: Po zgjerohet sezoni i turizmit përtej korrikut dhe gushtit
20 Shkurt 2025, 14:56 / EKONOMI&SOCIALE
Në vitin 2023, kanë qenë 117.292 ndërmarrje ekonomike aktive në sektorë të ndryshëm të ekonomisë, duke shënuar një rritje me 3,4 %, krahasuar me vitin 2022.
Ndërmarrjet që ushtrojnë aktivitet tregtar kanë zënë përqindjen më të lartë të numrit të ndërmarrjeve me 35,7 %. Nga 117.2 mijë ndërmarrje aktive, mbi 102 mijë janë biznese që operojnë në tregti, shërbime, transport, pra prodhues të shërbimeve.
Eksperti për sipërmarrjet inovative, Rezart Lahi, i ftuar në “Money Report” në ABC News, u shpreh se bizneset kanë patur një trend rritës në të ardhurat e tyre, kryesisht tek ato subjekte që operojnë në fushën e turizmit.
Ai pohoi se turizmi në Shqipëri është ndihmuar edhe nga sektori i ndërtimit.
“Ka patur një trend të madh të të ardhurave të bizneseve. Një pjesë e të ardhurave, po vijnë nga ndërmarrjet që kanë të paktën mbi 50 punonjës. Turizmi, duke u ndihmuar edhe nga ndërtimi, kapin një trend rritjeje dhe me sa shoh do vijojë trend i rritjes së turizmit”, tha ai.
Duke folur në studio, eksperti theksoi se turizmi në vendin tonë nuk është i përqendruar vetëm gjatë verëas.
“Turizmi mban një peshë në fushën e punësimit. Po zgjerohet sezoni i turizmit dhe nuk kemi vetëm korrikun dhe gushtin”, pohoi eksperti.
Ai theksoi se turizmi ka nxitur hapjen e vendeve të reja të punës.
Po ndodh...
ide
top
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128