Harta e PS për shkrirjen e bashkive, Elbasani ngrihet kundër Ramës, pas protestave nisin konsultimet me qytetarët

Pas protestave të zhvilluara në disa bashki të qarkut të Elbasanit kundër propozimit për Reformën e re Administrativo-Territoriale, ka nisur zyrtarisht edhe faza e konsultimit publik me qytetarët.

Në qarkun e Elbasanit, kundërshtimi ndaj hartës së re u shfaq fillimisht në Prrenjas, ku qindra banorë dolën në protestë duke kundërshtuar bashkimin e bashkisë së tyre me Librazhdin. Më pas, reagimet u shtrinë edhe në Belsh dhe Cërrik, ku qytetarët kanë shprehur po ashtu kundërshtimin ndaj propozimit që bashkitë e tyre t’i bashkohen Elbasanit.

Paralelisht me këto reagime, bashkitë kanë nisur procedurat e konsultimit publik, pas mbërritjes së shkresës së Kuvendit për projektligjin e Reformës Administrativo-Territoriale.

Një prej tyre është Bashkia Cërrik, e cila ka njoftuar zyrtarisht çeljen e periudhës 60-ditore të konsultimit publik. Sipas njoftimit të bashkisë, procedura nisi pas mbërritjes së shkresës nr. 3573, datë 31 korrik 2026, të Kuvendit të Shqipërisë, e administruar nga institucioni më 3 gusht.

Kryetari i Bashkisë Cërrik u ka bërë thirrje qytetarëve të marrin pjesë në proces, duke theksuar se konsultimi duhet të mbështetet te informimi dhe debati publik, larg përplasjeve politike.

“Ky nuk është një konsultim për fatin e një kryetari bashkie. Është një konsultim për të ardhmen e komunitetit tonë”, thuhet në mesazhin drejtuar banorëve.

Sipas bashkisë, në ditët në vijim do të zhvillohen takime konsultuese në qytetin e Cërrikut dhe në të gjitha njësitë administrative, ndërsa datat dhe vendet do të bëhen publike në vijim.

Aktualisht, qarku i Elbasanit përbëhet nga shtatë bashki. Sipas propozimit të ri të Reformës Administrativo-Territoriale, ai do të reduktohet në katër bashki. Projekti parashikon bashkimin e Prrenjasit me Librazhdin, ndërsa bashkitë Cërrik dhe Belsh do t’i bashkohen Bashkisë Elbasan.

Po ndodh...

17:00 FJALEKRYQI

Skemë kampionësh 6 gusht

15:16 BOTA

Abdul El-Sayed, mjeku progresist që synon të shkruajë historinë si senatori i parë musliman i SHBA-së

15:15 AKTUALITET

Aksident i trefishë në rrugën Sarandë-Ksamil, raportohet për disa të plagosur

14:54 POLITIKË

PD nis ofensivën kundër hartës së re territoriale, udhëzon degët të organizojnë qëndresë qytetare

Pakt në Këshill 14:26 POLITIKË

Këlcyra i thotë “JO” Ramës! PS dhe PD bashkojnë votat, rrëzojnë draftin për shkrirjen e bashkisë

Pakt në Këshill

14:28 EKONOMI&SOCIALE

Qeveria "Rama", e vetmja në Europë që ble avionë zjarresh me tendera sekretë

14:18 AKTUALITET

E kërkonte Italia, e gjeti Durrësi/ Në pranga 40-vjeçari i dënuar me mbi 11 vite burg

14:02 AKTUALITET

Fluks në pikat kufitare, emigrantët kthehen në atdhe për pushimet verore

13:51 AKTUALITET

Plas sherri në Durrës, shqiptarët e Italisë grushtohen në mes të rrugës se kush do kalojë urën i pari

13:39 BOTA

Europol arreston tre persona në Serbi dhe Gjermani: Rrjet i dyshuar i kontrabandës së emigrantëve

13:27 POLITIKË

Fierza mbledh Kuvendin e burrave kundër Territoriales: Puka është larg sa Kina, 100 km për një letër!

Nga Ardi Stefa 13:21 IDE

Ca njerëz paguhen për të mbajtur gojën mbyllur!

Nga Ardi Stefa

13:03 POLITIKË

Rebelohet edhe kryebashkiakja socialiste e Klosit: Nëse banorët janë kundër shkrirjes, unë jam me ata!

12:48 KOSOVA

Procesi në Hagë hyn në fazën vendimtare, ja kur do të mbahen seancat përfundimtare ndaj ish-krerëve të UÇK

Dua të lexoj më shumë lajme