Mashtrim spektakolar në Francë/ Pensionistët humbin pasuri prej 1.1 milionë eurosh nga “punonjësit e sigurisë”

Një çift të moshuarish në Francë ka rënë pre e një skeme të sofistikuar mashtrimi, duke humbur pasuri me vlerë rreth 1.1 milionë euro, pasi mashtruesit i bindën se sendet e tyre me vlerë ishin në rrezik. Ngjarja ka ndodhur në Lainville-en-Vexin, një fshat me rreth 800 banorë në departamentin Yvelines. Sipas mediave franceze, gjithçka nisi më 31 korrik, kur çifti mori një telefonatë nga një person që u prezantua si punonjës i një kompanie sigurie.

Mashtruesi u tha pensionistëve se të dhënat e tyre personale ishin komprometuar dhe i këshilloi të mos largoheshin nga banesa. Për ta bërë historinë më të besueshme, ai u kërkoi gjithashtu të përgatisnin një ankesë paraprake.

Dy ditë më vonë, autorët kaluan në fazën tjetër të planit. Një person tjetër i përfshirë në skemë mori burrin nga banesa me pretendimin se duhej të kryhej një procedurë sigurie.

Ndërkohë, gruaja mbeti në shtëpi dhe mori një tjetër telefonatë nga një person që u paraqit sërish si përfaqësues i kompanisë së sigurisë. Kur mësoi se familja kishte një kasafortë, ai e pyeti për përmbajtjen e saj dhe e bindi se paratë dhe sendet me vlerë duhej të zhvendoseshin përkohësisht në një vend të mbrojtur.

E bindur nga skenari i përgatitur, pensionistja vendosi në një çantë para të gatshme, paund ari, shufra ari dhe bizhuteri. Më pas, ia dorëzoi një personi që u paraqit në derën e shtëpisë si korrier i autorizuar. Vlera totale e pasurisë së marrë nga mashtruesit llogaritet në rreth 1.1 milionë euro. Kur çifti kuptoi se kishte rënë në kurthin e mashtrimit, njoftoi menjëherë autoritetet dhe depozitoi kallëzim.

Hetuesit francezë po shqyrtojnë mundësinë që autorët të kenë siguruar të dhënat e viktimave përmes rrjedhjeve të informacionit personal. Dyshimet lidhen edhe me disa sulme kibernetike të raportuara së fundmi ndaj kompanive që merren me blerjen dhe shitjen e arit në Francë.

Deri tani, autorët e skemës mbeten të paidentifikuar dhe të lirë, ndërsa policia po heton nëse grupi mund të jetë i përfshirë edhe në raste të tjera mashtrimi ndaj personave që zotërojnë sende me vlerë.

Po ndodh...

17:00 FJALEKRYQI

Champions League schedule August 6

14:28 EKONOMI&SOCIALE

"Rama" government, the only one in Europe to purchase firefighting aircraft through secret tenders

14:02 AKTUALITET

Fluks në pikat kufitare, emigrantët kthehen në atdhe për pushimet verore

13:27 POLITIKË

Fierza gathers the Men's Assembly against Territoriale: Puka is as far away as China, 100 km for a letter!

Nga Ardi Stefa 13:21 IDE

Ca njerëz paguhen për të mbajtur gojën mbyllur!

Nga Ardi Stefa

Nga Sokol Neçaj 12:38 IDE

Nga Orwell te algoritmet

Nga Sokol Neçaj

12:15 BOTA

Italia në "alarm të kuq" nga vala e të nxehtit, autoritetet lëshojnë paralajmërim urgjent

12:03 KOSOVA

Kosova mbetet në bllokadë, Kurti mban pezull Kuvendin, shtyhet seanca pa zgjidhje për ngërçin politik

11:49 BOTA

Nga Dubai në Greqi e Itali, si lufta me Iranin po ndryshon zgjedhjet e pushuesve

09:54 POLITIKË

Only Trump's signature is expected, the Senate officially confirms Eric Wendt as ambassador to Albania

08:52 AKTUALITET

30 vite në arrati me identitet të rremë, si ra në gjurmët e FBI-së vrasësi i trefishtë Sokol Hoxha

08:20 AKTUALITET

Autor i tre vrasjeve, ekstradohet nga SHBA drejt Shqipërisë Sokol Hoxha

08:05 EKONOMI&SOCIALE

Shqipëria mbushet me punëtorë të huaj, kryesojnë indianët dhe filipinasit

07:59 MOTI

Parashikimi i motit për ditën e sotme, 6 Gusht 2026/ Temperaturat arrijnë deri ne 38 gradë

Dua të lexoj më shumë lajme