FLASH NEWS
Video/ Egert Haxhiu denoncon harresën institucionale në Peshkashesh: Rruga rrezikon jetën e banorëve!
2025-04-03 15:39:09 / POLITIKË
Kandidati për deputet i Koalicionit Euroatlantik në qarkun Tiranë, Egert Haxhiu, ka vijuar denoncimet për braktisjen institucionale të zonave që ndodhen vetëm pak kilometra larg kryeqytetit. Njësia administrative Peshkashesh është një prej tyre – një komunitet i tërë i lënë pa asnjë vëmendje nga pushteti vendor dhe qendror.
Haxhiu denoncoi gjendjen e rëndë të rrugës kryesore të fshatit, e cila është dëmtuar rëndë në trupin e saj. Rrëshqitjet e vazhdueshme dhe mungesa e ndërhyrjes po e kthejnë çdo kalim në një rrezik të përditshëm për banorët, duke cenuar drejtpërdrejt sigurinë dhe jetën e tyre.
Sipas tij, është e pabesueshme që në vitin 2025, vetëm pak minuta larg Tiranës, qytetarët të jetojnë në kushte të tilla. Rruga është lënë në mëshirë të fatit dhe çdo ditë që kalon pa ndërhyrje, rreziku shtohet ndjeshëm.
Ky është një tjetër shembull i qartë se si investimet orientohen jo sipas nevojave reale, por sipas interesave politike. Ndërsa pushteti vazhdon me propagandë dhe tabela pa punë, banorët e Peshkasheshit ndihen të harruar dhe të përjashtuar nga vëmendja publike.
Egert Haxhiu dhe Koalicioni Euroatlantik angazhohen për një model të ri të politikës – ku çdo komunitet të trajtohet me dinjitet dhe ku askush të mos mbetet pas.
Happening now...
Rama's mockery of EU integration
Nga Namir Lapardhaja
ideas
"Who talks about Lulzim Basha anymore?!"
Nga Sidi Hasanaj
Basha, the surprise of this campaign!
Nga Alban Daci
Two Prime Ministers, two worlds
Nga Lutfi Dervishi
top
Alfa recipes
services
- POLICE129
- STREET POLICE126
- AMBULANCE112
- FIREFIGHTER128