I mbijetoi atentatit në Elbasan, kush është “Mir Bitoci”? Emri i përmendur krah grupit të “Mandela” Peqinit në trazirat e ’97

Ermir Kërtezi, i njohur edhe me emrin “Mir Bitoci”, është personi që u bë shënjestër e atentatit të ndodhur mesditën e sotme në një lokal në Elbasan.

Kërtezi, i cili prej vitesh jeton jashtë Shqipërisë, është një emër i njohur në kronikat e Elbasanit, veçanërisht për shkak të përmendjes së tij në ngjarjet dhe konfliktet kriminale të periudhës së trazirave të vitit 1997 dhe viteve që pasuan.

Emri i tij shfaqet në kronikat e kohës në një periudhë kur Elbasani u përfshi nga kaosi dhe aktiviteti i grupeve të armatosura pas rënies së skemave piramidale. Në atë periudhë, qyteti u përball me një valë të fortë kriminaliteti, ndërsa disa grupe të armatosura u përfshinë në përplasje dhe ngjarje të rënda.

Në të njëjtën periudhë, një prej emrave më të njohur të botës kriminale në Elbasan ishte Eduart Peqini, i njohur si “Mandela”, i cili drejtonte një grup të armatosur që u bë i njohur për një sërë veprash të rënda kriminale gjatë trazirave të vitit 1997.

Kërtezi, ndërkohë, u largua nga Shqipëria dhe prej vitesh jeton jashtë vendit. Rikthimi i tij në Elbasan është bërë tashmë objekt i një ngjarjeje të rëndë kriminale.

Pamjet e siguruara nga lokali tregojnë momentin kur autori, i cili ndodhej jashtë, ngrihet dhe i afrohet Kërtezit duke i drejtuar armën. Ai tenton ta qëllojë, por arma nuk funksionon. Kërtezi reagon menjëherë, i largohet armës dhe arrin të largohet nga vendi i ngjarjes.

Autori u arrestua pak orë më vonë nga policia, ndërsa vijojnë hetimet për të zbardhur motivin e atentatit dhe nëse ngjarja lidhet me konflikte të vjetra apo me përplasje më të fundit.

Pikërisht e kaluara e Kërtezit në kronikat e Elbasanit dhe fakti që ai jeton prej vitesh jashtë vendit janë tashmë në fokusin e hetuesve, të cilët po verifikojnë edhe rrethanat e rikthimit të tij në qytet dhe arsyen pse u bë shënjestër e sulmit.

Po ndodh...

17:41 FJALEKRYQI

Skemë kampionësh 15 gusht

17:02 FJALEKRYQI

Schema libero 15 agosto

16:39 BOTA

Të shtëna në Universitetin Shtetëror të Virxhinias, plagosen disa persona

16:19 KOSOVA

LDK pa poste, por me kusht për Presidentin! Osmani sfidon dhe godet Kurtin: Nuk bën asgjë!

16:18 SPORT

Momente frike/ Ish-ylli i Arsenalit përfundon në spital pas përplasjes brutale

16:15 SHOWBIZ

Dashuria është në “ajër”, hidhen poshtë aludimet për ndarje, Lamine Yamal dhe partnerja e tij e “djegin” në ditëlindjen e sulmuesit

16:07 POLITIKË

“Duhet front opozitar kundër PS”, Berisha-Rama në përplasje, kryedemokrati sulmon qeverinë për ilaçet dhe zjarret

16:04 BOTA

Alarmi nga Etna ulet, aeroporti i Katanias rifillon fluturimet

16:00 BOTA

Tjetër tragjedi në rrugën e “vdekjes”, gjenden 11 viktima pranë brigjeve të Libisë, trupat e tyre në fazën e dekompozimit

15:41 KOSOVA

PDK-ja dhe Aleanca refuzojnë takimin me Haxhiun, Dehari insiston në marrëveshje para vazhdimit të seancës

15:14 BOTA

Irani i përgjigjet Trumpit për Hormuzin: Nuk mund të kapet me deklarata

14:58 SPORT

Kush do ta fitojë Premier League? Superkompjuteri Opta jep verdiktin e tij

14:44 AKTUALITET

Situata alarmante në Lurë, forcat operacionale hapin kanale për të ndaluar përparimin e flakëve drejt banesave, si paraqitet situata në vend

14:18 AKTUALITET

Përfshihet nga flakët automjeti në lëvizje, bllokohet përkohësisht qarkullimi në aksin Bradashesh-Krrabë

Dua të lexoj më shumë lajme