Nga president në kandidat për kryeministër, Vuçiç zbulon kur do të japë dorëheqjen

Presidenti i Serbisë, Aleksandar Vuçiç, deklaroi se do të japë dorëheqjen nga posti më 25 ose 26 shtator, duke thënë se nuk dëshiron të hyjë në fushatën për zgjedhjet parlamentare si president i vendit, por si “qytetar i zakonshëm”.

Vuçiç tha se vendimi nuk lidhet me një detyrim ligjor, por me një zgjedhje personale. Sipas tij, menjëherë pas kthimit nga Nju Jorku, ku do të marrë pjesë në Asamblenë e Përgjithshme të OKB-së, do të largohet nga posti dhe do t’i bashkohet fushatës elektorale

“Nuk dua të bëj fushatë si President i Republikës. Dua të jem i pari që hyn në garë si një qytetar i zakonshëm”, u shpreh ai, duke shtuar se muajin e fundit të fushatës do të udhëtojë nëpër Serbi me makinën e tij dhe me një kamionçinë të marrë me qira, për t’u takuar me qytetarët.

Deklarata vjen vetëm pak ditë pasi Vuçiç shpërndau Kuvendin e Serbisë dhe shpalli zgjedhjet e jashtëzakonshme parlamentare të 25 tetorit. Më 5 shtator, Partia Progresive Serbe e propozoi njëzëri si kandidat për kryeministër dhe bartës të listës zgjedhore, duke konfirmuar se ai do të udhëheqë fushatën e partisë në zgjedhjet e ardhshme.

Prej muajsh, Vuçiç përballet me protestat e studentëve dhe opozitës, të cilët kërkojnë zgjedhje të parakohshme dhe përgjegjësi politike pas tragjedisë në stacionin hekurudhor të Novi Sadit, ku humbën jetën 16 persona. Presidenti serb i ka cilësuar vazhdimisht protestuesit si “bllokues”, ndërsa gjatë muajve të fundit ka folur disa herë për mundësinë e dorëheqjes nga posti para përfundimit të mandatit të tij në vitin 2027, pa përcaktuar një afat konkret.

Nëse e realizon vendimin që njoftoi këtë të premte, Vuçiç do të largohet nga posti rreth një muaj përpara zgjedhjeve parlamentare, duke hyrë zyrtarisht në garë për postin e kryeministrit.

Gjatë konferencës për mediat, presidenti serb tha gjithashtu se në fjalimin e tij në Asamblenë e Përgjithshme të OKB-së do të flasë për ruajtjen e paqes dhe stabilitetit në rajon. Ai u shpreh se bota po kalon një periudhë të pasigurt, me konflikte që po zgjerohen dhe me një rend të ri ndërkombëtar që, sipas tij, ende nuk është konsoliduar.

Po ndodh...

17:55 FJALEKRYQI

Skemë kampionësh 11 shtator

16:24 SPORT

Daja para derbit me Partizanin: Do fitojë ekipi që do të bëjë më pak gabime, duhet të jemi gjithë kohës në ekuilibër

16:08 POLITIKË

Makina e re e Kryeministrit Rama, ministrja e Shtetit: Është marrë me qira, e paguan PS

15:45 POLITIKË

Pesë vite nga përplasja me Berishën/ Vendimi i Bashës që tronditi PD-në dhe përballja me liderin që refuzoi të largohej nga skena politike

15:48 FJALEKRYQI

Skemë kinofjalëkryq 11 shtator

Nga Gjergji Nika 15:44 IDE

Edi Rama, kujt i ankohesh? Ti ke qenë problemi!

Nga Gjergji Nika

15:32 POLITIKË

“Reforma, shkak që kalova ylberin”, Dash Sula: Asnjë inspektim pa kamera, njoftim e pa kostum

15:16 BOTA

Izraeli eliminon komandantin e lartë të Hamasit në Gaza

14:58 EKONOMI&SOCIALE

Euro prek minimum të ri, thyen për herë të parë edhe pragun e 92 lekëve

14:31 AKTUALITET

Rregullorja e re e GJKKO-së përjashtoi njerëzit e medias nga gjyqet, gazetarët njoftojnë për PADI: Kushtetuesja të marrë në dorë situatën

14:18 POLITIKË

"Më vjen ndot", ministrja Erjona Ismaili e sfidoi për të ardhur në Shqipëri, Arben Ahmetaj reagon nga arratia: Kush është kjo? E njihni ju?

13:43 SPORT

As Mbappe, as Haaland/ Ky është lojtari më i shpejtë në Ligën e Kampionëve këtë edicion

13:42 BOTA

Shuhet në moshën 78 vjeçare Emma Bonino, politikania radikale italiane që kundërshtoi Vatikanin

13:18 POLITIKË

U largua nga Ministri i Brendshëm, reagon Besfort Lamallari: Një rrugëtim i paharrueshëm, do t’ia kthej nderin dhe besimin Ramës

Dua të lexoj më shumë lajme