Vilat në Dhërmi dhe Palasë/ Gati kërkesa e dytë e SPAK për arrestimin e Ballukut

SPAK pritet t’i drejtohet për herë të dytë Kuvendit për heqjen e imunitetit të Belinda Ballukut, duke e vendosur sërish Edi Ramën dhe shumicën socialiste përballë zgjedhjes nëse do t’i hapin rrugë drejtësisë apo do t’i mbeten mbrojtjes politike që i dhanë ish-zëvendëskryeministres në kërkesën e parë.

Lapsi.al bën me dije se Prokuroria e Posaçme pritet të dorëzojë sot ose nesër në Kuvend kërkesën e dytë për imunitetin e Ballukut.

Kërkesa vjen në një moment kur pozita penale e ish-zëvendëskryeministres është rënduar ndjeshëm. SPAK ka bashkuar në dosjen “Balluku” disa procedime penale, ndërsa numri i personave dhe kompanive të akuzuara është rritur ndjeshëm. Mes tyre janë ish-vartës të Ballukut dhe biznesmenë që dyshohet se përfituan tendera publikë në këmbim të ryshfeteve dhe favoreve.

Balluku akuzohet për “Shkelje të barazisë në tendera”, të kryer në bashkëpunim, “Fshehje të pasurisë”, “Korrupsion pasiv të funksionarëve të lartë shtetërorë” dhe “Pastrim parash”, këto të fundit më shumë se një herë.

Hetimi nisi me tenderin e Tunelit të Llogarasë, por më pas u zgjerua në një seri procedurash të mëdha infrastrukturore. SPAK e akuzon Ballukun për shkelje të barazisë në tendera në tetë raste, ku përfshihen Tuneli i Llogarasë, punimet në Sheshin Shqiponja dhe disa lote të Unazës së Madhe të Tiranës.

Më tej dosja u rëndua për gjetje që lidhen me pasuritë që SPAK dyshon se Balluku i përfitoi si ryshfet.

Në qershor, Prokuroria njoftoi se ish-zëvendëskryeministrja dyshohet se përfitoi një vilë me vlerë 145 mijë euro në Dhërmi nga shoqëria “Eurocol”, në këmbim të favorizimit të kompanisë në një tender gjatë kohës kur Balluku ishte në krye të Albcontrol. Sipas SPAK, prona u fsheh përmes një skeme pastrimi parash ku u përfshi edhe ish-futbollisti Igli Tare.

Më pas hetuesit sekuestruan edhe një vilë të dytë, këtë herë në kompleksin “Green Coast” në Palasë, e regjistruar formalisht në emër të Tares, por që SPAK pretendon se ishte në “pronësi indirekte” të Ballukut.

Sipas hetimit, punimet luksoze të vilës dhe pishinës, me një vlerë që sipas preventivave varionte nga rreth 289 mijë deri në 411 mijë euro, u paguan nga “Alko Impex General Construction” e biznesmenit Arbër Abazi. Në të njëjtën periudhë, kjo kompani përfitoi së bashku me “2T” tenderin prej 2.2 miliardë lekësh për Lotin 7 të Unazës së Madhe.

SPAK pretendon se tenderi u manipulua nën udhëzimet e Ballukut dhe se pagesa e punimeve të vilës ishte shpërblimi për favorizimin e kompanisë. Mes provave janë komunikimet e sekuestruara, dokumentet financiare dhe emailet e arkitektëve, përfshirë komunikime të drejtpërdrejta me Ballukun për mënyrën se si duhej të projektohej vila.

Në pranverë, shumica socialiste e drejtuar nga Edi Rama e bllokoi kërkesën e SPAK për t’i hapur rrugë masës së sigurisë ndaj Ballukut. Kundër kërkesës votuan 82 deputetë, ndërsa Fatmir Xhafaj, Elisa Spiropali dhe Blendi Gonxhe nuk morën pjesë në votim.

Vendimi shkaktoi reagime të forta ndërkombëtare. Ambasadat e Gjermanisë, Britanisë dhe Holandës, si dhe Komisioni Europian, kërkuan që SPAK të jetë në gjendje të hetojë korrupsionin e nivelit të lartë pa pengesa politike, duke e lidhur drejtpërdrejt këtë standard me procesin e integrimit europian.

Rama reagoi atëherë ashpër ndaj presionit ndërkombëtar, duke deklaruar se SPAK nuk ka “karta bianka” për arrestimin e politikanëve dhe duke mbrojtur vendimin e shumicës së tij.

SPAK pritet të trokasë për herë të dytë në derën e parlamentit, ndërsa mbi tryezë nuk është më vetëm dosja fillestare e tenderave, por një hetim më i gjerë, me akuza për korrupsion, pastrim parash, fshehje pasurie dhe dy vila që Prokuroria pretendon se janë produkte të përfitimeve korruptive.

Po ndodh...

15:48 FJALEKRYQI

Skemë kinofjalëkryq 11 shtator

15:16 BOTA

Izraeli eliminon komandantin e lartë të Hamasit në Gaza

14:58 EKONOMI&SOCIALE

Euro prek minimum të ri, thyen për herë të parë edhe pragun e 92 lekëve

14:31 AKTUALITET

Rregullorja e re e GJKKO-së përjashtoi njerëzit e medias nga gjyqet, gazetarët njoftojnë për PADI: Kushtetuesja të marrë në dorë situatën

14:18 POLITIKË

"Më vjen ndot", ministrja Erjona Ismaili e sfidoi për të ardhur në Shqipëri, Arben Ahmetaj reagon nga arratia: Kush është kjo? E njihni ju?

13:43 SPORT

As Mbappe, as Haaland/ Ky është lojtari më i shpejtë në Ligën e Kampionëve këtë edicion

13:42 BOTA

Shuhet në moshën 78 vjeçare Emma Bonino, politikania radikale italiane që kundërshtoi Vatikanin

13:18 POLITIKË

U largua nga Ministri i Brendshëm, reagon Besfort Lamallari: Një rrugëtim i paharrueshëm, do t’ia kthej nderin dhe besimin Ramës

12:48 KOSOVA

Deputetët e Kosovës dështojnë sërish! Nuk konsituohet Kuvendi, PDK braktis sallën, Haxhiu ndërpret seancën

12:18 POLITIKË

Skandal me AAT/ Ministri Nufi thotë se prodhon armë për konfliktet, Tatimet zbulojnë vetëm 2 të punësuar

12:13 BOTA

25 vite nga dita që ndryshoi botën, Amerika kujton të rënët e 11 shtatorit, sulmi në kullat binjake

11:42 POLITIKË

FOTO/ Nën hetim për fshehje pasurie, momenti kur Luan Baçi mbërrin në SPAK

11:42 POLITIKË

Ilir Beqaj paraqitet në SPAK, shoqërohet nga efektivi i policisë

11:29 POLITIKË

“Armët do paketohen në Shqipëri”, qeveria reagon pas audiopërgjimit të Ron Yefet: KAYO është krenaria jonë, Ahmetaj të përballet me drejtësinë!

Dua të lexoj më shumë lajme