Policia e përplasi në tokë gjatë protestës, Kapri viziton te Trauma 21-vjeçarin: Është në shok psikologjik. Ka dëmtime në kokë e në kurriz

Deputeti i Partisë Mundësia ka treguar detaje nga gjendja shëndetësore e të riut 21-vjeçar që përfundoi në spitalin e Traumës pasi u përplas dhunshëm në asfalt nga një efektiv dhe më pas disa të tjerë e dhunuan dhe e morën zvarrë. “Erdha në Spitalin e Traumës dhe takova familjarët e studentit 21-vjeçar. Ka dëmtime në kokë e në kurriz dhe është i tronditur psikologjikisht. Fatmirësisht, mjekët thonë se do të shërohet shpejt”, tha Kapri.

Nga biseda që ka pasur me familjarët e të riut në spitalin e Traumës ku i takoi mbrëmjen e të premtes, deputeti Kapri thotë se 21-vjeçari u paraqit në spital për ndihmë vetëm pasi prindërit e kishin gjetur në Komisariatin e Policisë dhe jo më herët, duke ngritur shqetësime serioze për përkeqësimin e shëndetit të tij.

“Familjarët më treguan se e gjetën në Komisariatin Nr 6 të kryeqytetit disa orë pasi ishte përplasur ashtu në tokë dhe vetëm falë insistimit të tyre ka ardhur në spital. Mjekët më thanë që e kishin parë videon më herët dhe e prisnin të vinte në spital dhe po vononte. Ai ka dëmtim të pjesës së pasme, të kurrizit dhe të kokës, por mjekët garantojnë se do ta marrë veten shpejt”, shprehet deputeti i Mundësia. Djali, pamjet e të cilit kur dhunohet nga policia kanë prekur gjithë shoqërinë, po qëndronte në rrugë pa bërë asgjë kur policia e rrëzoi në tokë. Ai më herët u kishte shprehur efektivëve problemet familjare, për prindërit e papunë dhe sfidën për të gjetur paratë e pagesës së shkollës ku ai studion.

“Ky djalë u tregonte policëve se prindërit i ka të papunë dhe nuk ka para për të paguar shkollën. Një i ri që kërkon vetëm të arsimohet dhe të ndërtojë të ardhmen e tij! Pezullimi i policëve nuk mjafton. Ministri Demo dhe Edi Rama duhet të japin dorëheqjen!”, tha Kapri.

REAGIMI I PLOTE I ERALD KAPRIT

Këto pamje, se si ky djalë u sulmua sot nga Policia e Shtetit na tronditën të gjithëve. Kam ardhur këtu në Spitalin e Traumës të Tiranës dhe takova familjarët e tij.
Është studenti me inicialet M.S, 21 vjeç, studion për Klinikë Dentare
Mjekët më konfirmuan se do ta marrë veten shumë shpejt, ndonëse është në gjendje të rënduar psikologjike.
Familjarët më treguan se e gjetën në Komisariatin Nr 6 të kryeqytetit disa orë pasi ishte përplasur ashtu në tokë dhe vetëm falë insistimit të tyre ka ardhur në spital.
Mjekët më thanë që e kishin parë videon më herët dhe e prisnin të vinte në spital dhe po vononte.
Ai ka dëmtim të pjesës së pasme, të kurrizit dhe të kokës, por mjekët garantojnë se do ta marrë veten shpejt.
Është i njëjti djalë që fillimisht hapi çantën përpara policëve dhe po tregonte që në të kishte vetëm librat e shkollës.
Është i njëjti student që po u tregonte policëve që prindërit e tij janë të papunë, por nuk marrin asistencë dhe duhet të gjejë 3 milionë lekë të paguajë tarifën e shkollës, që kishte tentuar disa herë të ikte jashtë vendit.
Ministri Demo u vetëkënaq vetëm me pezullimin e policëve ndërkohë që nuk ka guxim të japë dorëheqjen ai dhe kryeministri, të cilët janë përgjegjës për këtë dhunë të pashembullt që po ndodh nga policia e shtetit.

Po ndodh...

12:24 AKTUALITET

“Jo eksodit të të rinjve!”, mesazhi i fortë që vjen nga protesta, studentët i vënë flakën një valixheje para Ministrisë së Arsimit

12:10 AKTUALITET

Nuk ndalet revolta e të rinjve në Korçë! Mësuesi u del në krah gjimnazistëve: Ngrini zërin!

11:46 AKTUALITET

Me këngë patriotike dhe flamurin “Autochthonous”, të rinjtë sfidojnë sistemin dhe dhunën policore

11:40 POLITIKË

Gazeta austriake: Rama viziton Vjenën ndërsa vendi është në kaos dhe shqiptarët kërkojnë largimin e tij

11:34 AKTUALITET

“Mos na rrihni fëmijët, po mbroni hajdutët!”/ I riu pësoi dëmtime të rënda nga dhuna brutale e policisë, protestuesi: Të ndëshkohet kush e dhunoi!

11:02 AKTUALITET

Nis marshimi i studentëve të Mjekësisë drejt Ministrisë së Arsimit me thirrjen “Rama, jep dorëheqjen!”

10:59 AKTUALITET

Oborri Mbretëror Shqiptar në krah të studentëve, Princ Leka: I çoni shqetësimet tuaja edhe përtej kufijve të Shqipërisë, t'ju dëgjojnë ndërkombëtarët

10:54 POLITIKË

Gjiganti mediatik aziatik Al Jazeera: Protestat në Shqipëri intensifikohen, por Rama përdor justifikimin banal të forcave nga jashtë

10:32 AKTUALITET

Ministria e Shëndetësisë: 21 persona të plagosur gjatë protestave në Tiranë, të lënduar edhe në Vlorë e Lezhë

10:16 AKTUALITET

Vetoja që rrezikon integrimin e Shqipërisë/ DW: Vendet anëtare po bllokojnë gjithnjë e më shumë zgjerimin

09:55 MISTERE&KURIOZITETE

U nis drejt Turqisë për të vizituar trojet e të parëve, zhduket pa gjurmë murgu grek prej 3 muajsh: Familja në ankth: A është gjallë?!

09:53 AKTUALITET

Dhuna në protestat në Tiranë, 63 protestues dalin para Gjykatës për masën e sigurisë

09:11 EDITORIAL

“Të paudhë janë rikthyer me tërbimin e djegies”/ Rama flet sërish për dorë të huaj në protestë: Zëri i studentëve protestues do të dëgjohet me respekt, por dhuna s’jep mandat!

08:44 EKONOMI&SOCIALE

Çfarë po ndodh me monedhat e huaja? Ja sa shitet dhe blihet euro dhe dollari për ditën e sotme

Dua të lexoj më shumë lajme