Lajme flash
Bardhi: Intimidimet ndaj prokurorisë, nuk e shpëtojnë dot qeverinë
30 Janar 2026, 20:51 / POLITIKË
Kreu i grupit parlamentar të Partisë Demokratike, Gazment Bardhi, ka reaguar pas vendimit të SPAK për të mos lejuar zhvillimin e takimit të komisionit parlamentar të njohur si “Xhafaj 2”.
Në një reagim në rrjetet sociale, Bardhi shprehet se ky vendim përbën një refuzim të qartë ndaj, sipas tij, përpjekjeve të qeverisë për të ushtruar presion mbi Prokurorinë e Posaçme.
Sipas Bardhit, qeveria ka ndërmarrë një sërë veprimesh që synojnë intimidimin e sistemit të drejtësisë, duke përmendur kundërshtimin në Gjykatën Kushtetuese të vendimit për pezullimin nga detyra të Belinda Ballukut, si dhe zvarritjen e kërkesës së SPAK për heqjen e imunitetit dhe arrestimin e saj.
Ai thekson se tentativa për të realizuar “vizita monitoruese” nga deputetët në SPAK është vlerësuar nga ky institucion si në kundërshtim me ligjin dhe si cenim i pavarësisë së tij kushtetuese.
“Përpjekjet për të intimiduar SPAK janë të kota. Askush nuk mund t’i shmanget përgjegjësisë përpara ligjit”, shkruan Bardhi në reagimin e tij.
Nga ana e saj, SPAK ka sqaruar se takimi i planifikuar nga komisioni parlamentar përbënte kapërcim të kompetencave ligjore dhe cenonte pavarësinë e Prokurorisë së Posaçme.
Po ndodh...
Rama dhe Berisha “rrëzohen” nga rasti Dodik
Nga Bato Kosova
ide
Vetmia e madhe e Perëndimit dhe demokracisë liberale
Nga The Economist
Paratë e korrupsionit po blejnë kohë politike.
Nga Taulanda Jupi
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128