Lajme flash
Portugalia ndalon mbulimin e fytyrës në publik, presidenti miraton ligjin e propozuar nga Chega
20 August 2026, 09:11 / BOTA
Portugalia ka ndaluar mbulimin e fytyrës në hapësirat publike. Masa vjen pasi Presidenti Antonio Jose Seguro nënshkroi një ligj të propozuar fillimisht nga partia e krahut të djathtë, Chega.
Seguro e miratoi masën ditën e djeshme, duke thënë se ajo trajton një çështje me “ndjeshmëri të madhe sociale dhe kulturore”, sipas një njoftimi nga Pallati Belem, selia presidenciale në Lisbonë.
Ai përmendi integrimin social, mosdiskriminimin dhe sigurinë publike në mbështetje të masës, si dhe vendimet e Gjykatës Evropiane të të Drejtave të Njeriut lidhur me mbulimin e fytyrës.
“Për Presidentin e Republikës, fytyra e zbuluar përbën një dimension strukturues të besimit social, një karakteristikë e shoqërisë portugeze. Bashkëjetesa e përditshme bazohet në njohjen reciproke dhe mundësinë e krijimit të një marrëdhënieje të drejtpërdrejtë midis njerëzve”, thuhet në deklaratë.
“Dhe të pranosh që gratë, dhe vetëm gratë, duhet të fshehin të gjithë fytyrën e tyre, nënkupton një asimetri të papajtueshme me vlerat e barazisë dhe dinjitetit të barabartë midis burrave dhe grave, vlera që formësojnë demokracitë evropiane”, shtoi ajo.
“Nga ana tjetër, në një shoqëri të lirë si e jona, çdo person duhet të jetë në gjendje të jetojë identitetin dhe besimet e veta brenda një sërë rregullash të përbashkëta që ofrojnë një ‘përvojë të përbashkët’, një koncept i pranuar nga Gjykata Evropiane e të Drejtave të Njeriut”, tha ajo.
Po ndodh...
Pushteti i kotësisë! Protesta i prishi “magjinë” Ramës dhe Berishës
Nga Indrit Gjyzeli
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128