Protesta dhe përplasje në Europë, mijëra qytetarë në rrugë, qindra të ndaluar në Francë dhe Itali

Europa po përjeton një fundjavë të tensionuar, me protesta dhe përplasje mes qytetarëve dhe policisë në disa vende.

Franca dhe Italia janë përballur me incidentet më të mëdha, ku janë shënuar dëme materiale, zjarre dhe qindra persona të ndaluar.

Në Francë, protestat vijuan edhe këtë të diel në Paris, ku qindra demonstrues u mblodhën në Place de la République.

Gjatë tubimit pati përplasje me policinë, ndërsa forcat e rendit përdorën gaz lotsjellës dhe granata zhurmuese për të shpërndarë turmën.

Sipas AFP-së, rreth 2 mijë persona ishin ndaluar në të gjithë Francën pas trazirave të së shtunës. Incidente u regjistruan edhe në Lion, Marsejë dhe Limoges, ku pati dëmtime të ndërtesave publike dhe bizneseve. Në Limoges, një ndërtesë e bashkisë u përfshi nga flakët.

Edhe në Itali, situata është tensionuar, veçanërisht në Milano, ku demonstruesit u përplasën me policinë dhe dëmtuan vitrina e dyqane. Forcat e rendit përdorën gaz lotsjellës dhe ujë me presion për të shpërndarë protestuesit.

Sipas agjencisë italiane ANSA, gjatë së dielës 160 persona u shoqëruan në komisariat për identifikim. Ndërsa nga përplasjet e së shtunës u raportuan 25 të plagosur, mes tyre 10 efektivë policie. Protesta dhe incidente pati edhe në Torino e Bolonja.

Pakënaqësitë në vendet europiane lidhen kryesisht me rritjen e kostos së jetesës, pagat e ulëta, problemet me strehimin dhe shërbimet publike.

Në Belgjikë, studentët kanë protestuar kundër kostove të arsimit, ndërsa në Portugali dhe Spanjë shqetësim kryesor mbeten çmimet e larta të qirave.

Në këtë valë protestash përfshihet edhe Shqipëria. Të dielën, Tirana u përball me ditën e gjashtë të protestave kundër qeverisë, ku u shënuan përplasje të forta mes demonstruesve dhe policisë.

Ndryshe nga protestat në disa vende të tjera europiane, në Shqipëri kërkesa kryesore është dorëheqja e kryeministrit Edi Rama. 

Po ndodh...

00:11 FJALEKRYQI

Skemë e lirë 19 tetor

21:13 POLITIKË

“Ishte skenar”/ Berisha shpërthen pas gazit lotsjellës në PD: Rama do të mbajë përgjegjësi personale

20:55 POLITIKË

Ç’po ndodh te PD? Dy autoambulanca hyjnë në oborrin e selisë, Këlliçi: Nuk kemi fshehur askënd! Bozdo: Turp!

20:44 AKTUALITET

Sulmi ndaj Komisariatit nr. 3, Policia: 10 efektivë të plagosur, autorët do të përballen me ligjin

20:36 AKTUALITET

Protestuesit gjejnë strehë në selinë e PD-së për t’i shpëtuar gazit lotsjellës, policia i pret jashtë dere, mbërrijnë 2 ambulanca

20:14 POLITIKË

“Dorëheqja e Ramës, domosdoshmëri historike”, Ngjela u del në krah të rinjëve: Shqipëria është në rrezik kombëtar

20:00 POLITIKË

“Qeveria Rama po dështon”, eurodeputeti shpërthen për dhunën ndaj protestuesve: Shqipëria duhet të japë llogari

19:38 AKTUALITET

Protestuesit kthehen sërish te Selia e PS, e sulmojnë me molotovë e fishekzjarrë, policia i kundërpërgjigjet me gaz lotsjellës

19:26 POLITIKË

Kërkesa nga Austria/ Günther Fehlinger-Jahn ofertë Ramës: Largohu përgjithmonë nga pushteti dhe nga Shqipëria: Të pranojmë në Vienë

19:25 AKTUALITET

Protestuesit i vendosin zjarrin dikasterit që ka drejtuar Balluku, Ministria e Infrastrukturës në flakë

19:16 AKTUALITET

Protestuesit shpërthejnë fishekzjarrët drejt autobotëve, përdorin edhe lazer, policia i largon me ujë

18:54 AKTUALITET

Protestuesit sulmojnë me molotovë Ministrinë e Brendshme, efektivët kundërpërgjigjen nga tarraca me gaz lotsjellës

18:45 AKTUALITET

Forcat speciale RENEA zbarkojnë sërish në bulevard, rikthehet kontrolli para Kryeministrisë

18:30 AKTUALITET

Revolta e të rinjëve/ KMSH: Llogaridhënia tepër e rëndësishme për jetën shoqërore, nevojitet reflektim i sinqertë

Dua të lexoj më shumë lajme