‘Spiunoi hetimet te Visi i Pojës’/ Dënohet me 2 vite e 8 muaj burg ish-oficeri i policisë, Igli Haxhiaj

Gjykata e Posaçme kundër Korrupsionit dhe Krimit të Organizuar ka dënuar ish-oficerin e Policisë Gjyqësore, Igli Haxhiaj, me 2 vite e 8 muaj burg, pasi e shpalli fajtor për veprat penale të “Zbulimit të akteve ose të dhënave sekrete”, “Korrupsionit pasiv të gjyqtarëve, prokurorëve dhe funksionarëve të tjerë të organeve të drejtësisë” dhe “Shpërdorimit të detyrës”.

Çështja u shqyrtua me procedurën e gjykimit të shkurtuar. Trupi gjykues, i përbërë nga gjyqtarët Atalanta Zeqiraj, Marinela Osmani dhe Besmir Stroka, vendosi fillimisht dënimin e Haxhiajt me 4 vite burg, si rezultat i bashkimit të dënimeve për tre veprat penale. Për shkak të gjykimit të shkurtuar, dënimi iu ul me një të tretën, duke u caktuar përfundimisht në 2 vite e 8 muaj burg.

Gjykata vendosi gjithashtu që Haxhiaj të vuajë dënimin në një burg të sigurisë së zakonshme, ndërsa i hoqi të drejtën për të ushtruar funksione publike për një periudhë prej 5 vitesh. Vuajtja e dënimit llogaritet nga data e ndalimit të tij, më 27 nëntor 2025.

Sipas hetimeve të SPAK, Haxhiaj, në cilësinë e oficerit të Policisë Gjyqësore në Drejtorinë e Forcës së Posaçme Operacionale, zbuloi informacione që përbënin sekret hetimor në kuadër të një procedimi për trafik ndërkombëtar droge, duke informuar një nga personat nën hetim se ishte objekt përgjimesh dhe vëzhgimesh.

Prokuroria e Posaçme pretendoi se ai i ofroi këto informacione në këmbim të përfitimeve monetare, konkretisht të shumës 15 mijë euro, siç rezulton nga komunikimet e zhvilluara në platformën e enkriptuar Sky ECC.

Hetimet zbuluan gjithashtu se Haxhiaj kishte zhvilluar komunikime në Sky ECC lidhur me tregtimin e lëndëve narkotike, por nuk kishte kryer detyrimet ligjore për të referuar dhe hetuar këto fakte, çka u konsiderua nga SPAK si shpërdorim detyre.

Procedimi penal ndaj Haxhiajt ishte pjesë e një hetimi të përbashkët mes SPAK, Prokurorisë Antimafia të Breshias në Itali dhe Prokurorisë Federale të Zvicrës, që çoi në zbulimin e një grupi të strukturuar kriminal të përfshirë në trafik ndërkombëtar të lëndëve narkotike nga Amerika e Jugut drejt Evropës.

Po ndodh...

16:42 FJALEKRYQI

Skemë kampionësh 30 korrik

15:34 BOTA

Kriza në Ngushticën e Hormuzit rikthen alarmet, sulmet ndaj cisternave shtyjnë çmimin e naftës në rritje

15:16 AKTUALITET

"Mos më ktheni se më akuzojnë si të Sali Berishës"/ Gjykata e Selanikut, vendos të ekstradojë biznesmenin Ilir Shtufi

15:01 AKTUALITET

Tragjedia me 3 viktima në Shkodër, vijojnë hetimet/ Nëna e Bleona Çelajt denoncon: Vajza më dhunohej nga bashkëshorti

14:36 BOTA

Trump zhbllokon 600 mln dollarë për vaksinat, SHBA rikthen financimin për Gavi

14:24 POLITIKË

PS dorëzon në Kuvend propozimin për Reformën Terrioriale, ZBULOHEN bashkitë që shkrihen, nga 61 shkojnë në 46

14:23 JETË

Nga loja tek inovacioni: Fondacioni Vodafone me partnerët e tij mbështet Kampin Veror Inno Kids

14:17 EKONOMI&SOCIALE

EUROSTAT: 53% e familjeve shqiptarëve s’bëjnë dot 1 javë pushime, të dytët në Europë

14:00 POLITIKË

Lamallari drejt dorëheqjes? Rama thërret sot Grupin Parlamentar, ja çfarë pritet të diskutohet

13:49 AKTUALITET

Edukatorja goditi 2-vjeçarin dy herë me shuplakë sepse po qante, arrestohet e reja në Tiranë

13:29 AKTUALITET

“SPAK e dinte ku ndodhej dhe kishte dërguar letërporosi”, Braho flet për arrestimin e Ermal Beqirajt: Ishim në kontakt prej javësh me autoritetet franceze

13:03 AKTUALITET

A do të sekuestrohet avioni i Ermal Beqirajt? Përgjigja e kreut të SPAK, Braho: Kemi bërë kërkesë për të gjitha pasuritë e tij, nuk është vetëm avioni

13:00 POLITIKË

Shtatzënë?!/ Pyetet për hetimet ndaj Ballukut, Berisha: Në SPAK po bëhet gati një mini-maternitet!

12:35 POLITIKË

“Protestat nuk më imponojnë dot asgjë!”/ Rama injoron revoltën qytetare, “shpërthen” ndaj medias së huaj, nxjerr fotografin jashtë zyrës dhe nis të…vizatojë

Dua të lexoj më shumë lajme