English
Luaj me Fjalëkryq
Lajme flash

U arrestua në protestë, Arben Kola flet në protestë pas lirimit: U bë me urdhër të Edi Ramës! Regjimi është i tmerruar

4 September 2026, 20:40 / POLITIKË ALFA PRESS
U arrestua në protestë, Arben Kola flet në protestë pas

Aktivisti Arben Kola, i cili u la i lirë pas 72 orësh në qeli bashkë me 13 protestues të tjerë pas vendimit të Gjykatës së Tiranës që e shpalli arrestimin e tyre të paligjshëm, ka mbajtur një fjalim para turmës së mbledhur në protestë, duke e cilësuar ndalimin e tij si një akt të pastër politik.

Kola deklaroi para protestuesve se reagimi i disproporcionuar i organeve të rendit tregon sipas tij frikën e ekzekutivit përballë revoltës qytetare, ndërsa hodhi akuza të drejtpërdrejta ndaj kryeministrit dhe strukturave të zbavitjes së ligjit.

“Regjimi është i tmerruar siç e keni parë! Rama ka edhe ca ‘djaj’ dhe ata fshihen diku mes policisë dhe herë pas here mes prokurorisë. Arrestimi i aktivistëve, përfshirë mua, ishte një arrestim politik me urdhër nga Edi Rama,” u shpreh Kola para turmës.

Më tej, aktivisti kritikoi ashpër drejtuesit e policisë që ekzekutuan urdhrin e shoqërimit, si dhe përfaqësuesit e organit të akuzës që kërkuan qëndrimin e tyre në burg, duke i vlerësuar veprimet e tyre si profesionaleisht të dështuara.

 

“Ishte një arrestim me zbatim të vobektë nga disa shefa policie dhe, për turpin e qeverisë, edhe disa prokurorë ishin bërë palë pasi ishin analfabetë,” përfundoi Kola reagimin e tij pas daljes nga ambientet e izolimit.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128