“Zemra ime do vijë si dëshmitar”, zbulohen mesazhet e Ramës me Kryemadhin në gjyqin me dyer të mbyllura, ish-deputetja: Ç’problem ka? Ashtu t’më thonë të gjithë

Duke shfrytëzuar pjesërisht frazën e ish-bashkëshortit, Ilir Meta, “me qetësi”, por jo me dashuri, Monika Kryemadhi parashtroi kundërshtimet e saj ndaj akuzës së SPAK-ut, që ka konkluduar se çifti ka ndikuar për marrëveshjen e fibrave optike në favor të Ardian Shatkut.

Ish-deputetja i cilësoi komunikimet me mesazhe dhe në e-mail si administrative dhe aspak ndikuese apo të dyshimta për të qenë penale. Nën pretendimin se më shumë kishte folur për këtë çështje me Edi Ramën dhe duke sjellë një komunikim mes tyre, Monika Kryemadhi jo vetëm ngriti dilemën përse nuk ishte pyetur nga SPAK-u Rama, por kërkoi që ai të thirrej si dëshmitar.

Anila Hoxha: Ju lexuat mesazhet me kryeministrin e vendit, ku ai ju quan “zemër”, mendoni se është bërë xheloz ish-bashkëshorti juaj teksa lexonit mesazhet?

Monika Kryemadhi: Po le të bëhet mi motra, sa veta më thonë zemër mua, çfarë problemi ka? Ashtu të më thonë, të gjithë zemra. Po nuk është aty problemi…

Anila Hoxha: Po atëherë përse kërkoni Ramën për dëshmitar?

Monika Kryemadhi: Po e kam zemër… Problemet e mia me Ramën vazhdojnë edhe te ligji i minierave. Kështu që zemra ime do të vijë si dëshmitar.

Kryemadhi i konsideroi deduksione gjetjet e prokurorëve, me qëndrimin se akuza i kishte keqinterpretuar mesazhet, disa prej tyre me disa ish-funksionarë.

Me këtë pretendim, Kryemadhi shfajësoi Pirro Xhixhon dhe Ilir Metën, që nuk kishin asnjë kompetencë, dhe shtoi se si dëshmitarë duhet të dëgjohen edhe Ardian Shatku, Edmond Haxhinasto, Milena Harito dhe Albana Shtylla.

“Çështja jonë nuk është procedurale, por politike”, tha Kryemadhi.

Gjykata rrëzoi kërkesën e përsëritur të Metës për të dalë nga kafazi i qelqtë, që të ulej në sallë me avokatin përkrah.

“Kam qenë kundër monopoleve”, deklaroi Ilir Meta, “dhe nuk kisha nevojë të kërkoja favore askujt”. Meta shtoi se është i rrëmbyer nga tetori 2024.

Anila Hoxha: Meta parashtroi idenë e një komploti grek dhe serb, duke përmendur McGonigal, ju jeni duke parashtruar se ka dhe një komplot amerikan kundër Metës dhe PL?

“Është komplot ndërkombëtar, është rrëmbyer edhe Partia e Lirisë”, tha Blushi.

Avokati i Metës kërkoi që versioni i Kryemadhit për fibrat optike të përdoret për pafajësinë e ish-presidentit dhe kërkoi pyetjen e saj si dëshmitare.

Ndërsa Meta i doli në krah ish-bashkëshortes, duke treguar se kishte qenë i pranishëm kur, në shkelje të procedurës, Kryemadhit i ishte sekuestruar telefoni, ndonëse ishte deputete.

Ashtu si procesi ndaj tre të pandehurve, që janë me gjykim të shkurtuar, është shtyrë për në vjeshtë, edhe gjykimi i zakonshëm ndaj Metës dhe Kryemadhit u shty për në datën 10 shtator./TCH

Po ndodh...

20:53 KOSOVA

Rritet pesimizmi, një në katër qytetarë do të largohet nga Kosova

20:17 SPORT

Arteta paralajmëron goditje të mëdha në merkato/ Arsenali kërkon të ngrejë nivelin e skuadrës

19:57 SPORT

El Clasico në merkato/ Barcelona sfidon Realin për yllin e Manchester Cityt, Rodri

19:54 FJALEKRYQI

Skemë kampionësh 29 korrik

19:51 POLITIKË

60 ditë revoltë qytetare, nis marshimi i qytetarëve drejt Kryeministrisë

18:40 SHOWBIZ

Pse babai i Callum Turner mungoi në dasmën me Dua Lipën? Detajet që po bëjnë xhiron e rrjetit

19:06 AKTUALITET

Përmbyset mjeti bujqësor në Lezhë, ndërron jetë drejtuesi

18:38 POLITIKË

Shqiptarët bëjnë historinë! Sheshi plot për 2 muaj, sot dita e 60-të e revoltës qytetare, kërkesat janë të panegociueshme

18:28 BOTA

Zjarret në Kretë, humbin jetën dy zjarrfikës

18:01 AKTUALITET

Sherr mes të rinjve në Durrës, njëri prej tyre përfundon në spital

17:38 AKTUALITET

EMRAT/ Nga apartamentet te llogaritë bankare, GJKKO konfiskon 21 pasuri të lidhura me Eridan Guerreron dhe të akuzuar të tjerë për trafik narkotikësh

17:04 AKTUALITET

Detaje nga tragjedia në Postribë/ Gjenden një shishe benzinë dhe bombol gazi, dyshohet se pati shpërthime

16:49 AKTUALITET

EMRI/ Kjo është nëna e re që vdiq mes flakëve me fëmijët 3 dhe 1 vjeç, kishin ardhur nga Gjermania, shtëpia e vjetër në Shkodër ishte e pabanueshme

16:41 AKTUALITET

Arrestimi i Ermal Beqirit në Francë/ Klodiana Lala: Krahu i djathtë i Ergys Agasit ka përfituar 200 mln euro tendera në AKSHI. Çfarë fshihet pas fluturimit mbi impiantin bërthamor?

Dua të lexoj më shumë lajme