English
Luaj me Fjalëkryq
Lajme flash

Vrau vëllanë dhe kunatën/ Autori gënjeu policinë, si përshkallëzoi konflikti deri në krimin e rëndë

31 Gusht 2022, 12:07 / AKTUALITET ALFA PRESS

Vrau vëllanë dhe kunatën/ Autori gënjeu policinë, si

Arsen Muskurti, i cili u arrestua nga policia pak orë pasi vrau vëllanë dhe kunatën, ka gënjyer policinë për armën e krimit, duke deklaruar se e ka hedhur në një kosh mbeturinash. Ai është marrë sërish në pyetje në orët e vona të mbrëmjes, ndërsa arma iu gjet në banesë.

Ende nuk dihet se çfarë ka deklaruar autori në polici në lidhje me ngjarjen, mbi motivet që e shtynë në ekstrem, deri në marrjen e jetës së prindërve të 3 fëmijëve.

Ndaj dy bashkëshortëve Dritan dhe Nora Muskurti u qëllua me 5 plumba. Sipas Abc News, Arseni Muskurti u arrestua rreth dy orë më vonë në zonën e ‘5 Majit’ në kryeqytet, së bashku më bashkëshorten dhe djalin, në tentativë për tu larguar drejt Dibrës.

Dy bashkëshortët dhe familjari i tyre kishin pasur debate prej kohësh, të cilat u përshkallëzuan deri në krimin e sotëm. Përplasjen më të fundit e kishin pasur para dy ditësh.

Dy vëllezërit kishin qenë bashkëpronarë të Agjencisë së Udhëtimeve, por nga janari i këtij viti Arsen Muskurti nuk ishte më ortak në këtë biznes. Dyshohet që problemet e pronësisë së Agjencisë së udhëtimeve të kenë qenë shkak për konfliktin mes vëllezërve.

Aktualisht Arsen Muskurti kishte një dyqan parfumesh, shumë pranë me Agjencinë e të vëllait.

Por probleme të tjera familjare mund ta kenë rënduar edhe më tepër përplasjen e autorit të krimit më vëllanë dhe bashkëshorten e tij. Dy familjet jetonin në banesa ngjitur, në zonën e Alliasit.

Nga disa shkrime në profilin e FB të autorit Arsen Muskurti, predikues i fesë islame, vihet re se ai akuzonte vëllanë Dritanin dhe gruan e tij se përmes profileve false shanin dhe shpifnin kundër tij dhe familjes.

Nga fjalët e ashpra të përdorura në mesazhet e tij, vrasja e dyfishtë duket një krim i paralajmëruar.

Të dy vëllezërit Muskurti kishin nga dy emra, autori Arsen dhe Hamza, ndërsa Dritani mbante dhe emrin Alban.

 

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128