Orikumi kërkon rikthimin, Dimali refuzon shkrirjen/ Banorët kundër hartës së re territoriale: Mos na prekni bashkitë

Banorët e Orikumit dhe të Dimalit kanë dalë mbrëmjen e kësaj të hëne në protestë, duke kundërshtuar ndryshimet e propozuara në hartën administrative dhe duke kërkuar ruajtjen e njësive të tyre vendore.

Në Orikum, banorët janë mbledhur para Qendrës Administrative, ku kanë kërkuar rikthimin e Bashkisë Orikum. Protestuesit kundërshtojnë statusin aktual administrativ dhe kërkojnë që Orikumi të rikthehet si njësi më vete e qeverisjes vendore.

Ndërkohë, në Dimal, banorët kanë dalë në shesh kundër propozimit për shkrirjen e bashkisë dhe bashkimin e saj me Beratin. Me moton “Dimali mbetet Dimal. Zëri i qytetarëve duhet të dëgjohet”, ata i kanë bërë thirrje qeverisë të mos e prekë bashkinë.

Banorët argumentojnë se Dimali ka një histori të hershme, tradita dhe potencial të rëndësishëm ekonomik. Ata kanë kujtuar gjithashtu se emri i bashkisë u ndryshua në vitin 2015 nga Urë Vajgurore në Dimal, me vendimin nr. 34 të Kuvendit të Shqipërisë.

Sipas tyre, bashkimi me Bashkinë Berat do të sillte pasoja negative në ofrimin e shërbimeve për qytetarët, por edhe në zhvillimin ekonomik të zonës. Banorët theksojnë veçanërisht rëndësinë e sektorit bujqësor dhe të serave në fshatra si Kutalli, Samaticë, Drenovicë, Cukalat dhe Goriçan, të cilat prej vitesh furnizojnë tregjet ndërkombëtare.

Kundër shkrirjes është pozicionuar edhe Këshilli Bashkiak Dimal, i cili ka zhvilluar një mbledhje emergjente për këtë çështje. Këshilli ka miratuar pavlefshmërinë e propozimit të qeverisë për shkrirjen e bashkisë, duke argumentuar se relacioni nuk paraqet, sipas tyre, argumente dhe studime fizibiliteti që të dëshmojnë avantazhet e bashkimit.

Në votim morën pjesë 18 nga 21 anëtarët e Këshillit Bashkiak dhe të 18 votuan pro mosshkrirjes së Dimalit si bashki.

Protestat në Orikum dhe Dimal zhvillohen në një kohë kur reforma territoriale ka rikthyer në vëmendje debatin për riorganizimin e njësive vendore, ndërsa banorët kërkojnë që vendimmarrja të marrë në konsideratë historinë, identitetin dhe nevojat e komuniteteve.

Po ndodh...

20:32 BOTA

Zuckerberg hap debatin: Superinteligjenca duhet t’u përkasë të gjithëve

20:09 BOTA

​Franca përgatitet për valën e re të të nxehtit, parashikohen temperatura deri 40 gradë Celsius

19:52 POLITIKË

“Ju erdhi fundi”/ Qytetarët marshojnë drejt Kryeministrisë: Rama në burg, Berisha në burg!

19:41 EKONOMI&SOCIALE

Pse po largohen të rinjtë nga Ballkani?

19:34 AKTUALITET

Rasti Kalanxhi/ Kush e mbron prokurorin që guxon të flasë?

19:23 MISTERE&KURIOZITETE

Varri misterioz që i mbijetoi 24 shekujve/ Arkeologët zbulojnë një mundës të lashtë në qytetin e famshëm të Aspendosit

19:19 JETË

STUDIMI/ 1 në 5 njerëz mund të ketë një rrezik gjenetik të fshehur për zemrën: Një analizë gjaku mund ta zbulojë

19:17 SPORT

Harry Kane fiton për herë të dytë ‘Këpucën e Artë”

18:55 AKTUALITET

Objekti 5-katësh u ngrit për muaj pa leje/ Shkundet Policia e Himarës, pezullohet zinxhiri komandues

18:18 BOTA

Tërmet i fuqishëm 7.4 ballë në Kolumbi, 21 të vdekur dhe qindra të plagosur, fëmijë të bllokuar nën rrënoja

18:09 AKTUALITET

Kruja vazhdon të digjet, disa vatra aktive, era dhe terreni vështirësojnë ndërhyrjen e zjarrfikësve

17:49 POLITIKË

Protesta e 72-të kundër Kastës politike/ Qytetarët mblidhen sërish në Tiranë: Shqipëria kërkon revolucion!

17:48 FJALEKRYQI

Skemë kampionësh 10 gusht

17:43 MISTERE&KURIOZITETE

FOTO/ Pamja më e detajuar e Diellit ndonjëherë! Teleskopi zbulon vorbulla të padukshme më parë në sipërfaqen diellore

Dua të lexoj më shumë lajme