Lajme flash
Policia “blindon” hyrjen e Vlorës, kontrolle për persona në kërkim
26 August 2026, 21:56 / AKTUALITET
Kontrolle të shtuara policore janë zhvilluar mbrëmjen e kësaj të mërkure në hyrje të qytetit të Vlorës, ku forcat e rendit kanë ngritur një pikë kontrolli për automjetet.
Në aksion janë përfshirë Njësia e Sigurisë Publike, efektivë të Policisë së Vlorës dhe Policia Rrugore.
Kontrollet po kryhen në mënyrë të njëpasnjëshme, me efektivët që ndalojnë automjetet që hyjnë në qytet dhe verifikojnë drejtuesit dhe pasagjerët.
Një vëmendje e veçantë i është kushtuar mjeteve me xhama të errët, ndërsa kontrollet synojnë edhe evidentimin e personave të shpallur në kërkim.
Pjesë e kontrolleve janë edhe verifikimet për armëmbajtje pa leje dhe shkelje të tjera që mund të cenojnë sigurinë publike.
Prania e shtuar e forcave të policisë në hyrje të Vlorës ka sjellë kontrolle të detajuara të automjeteve, në kuadër të masave të shtuara të sigurisë.
Operacioni po vijon gjatë mbrëmjes, ndërsa deri në këto momente nuk janë bërë të ditura rezultate konkrete nga kontrollet.
Po ndodh...
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128