Lajme flash
Lista "Berisha" e kandidatëve/ Ish-prokurori Arjan Ndoja që i shpëtoi atentatit me "Rumin", rrëfen çfarë do të bëjë si deputet!
20 Mars 2025, 11:14 / POLITIKË
I ftuar në ‘Kafe Shqeto’ në Syri Tv, ish-prokurori i Durrësit Arjan Ndoja, kanditat në Listën "Berisha", rrëfen se çfarë do t’i thoshtë Edi Ramës dhe Erion Braçes kur t’i kishte përballë në Parlament.
“Këta nuk mbajnë përgjegjësi për fjalët që thonë. Personalisht, këta dy persona që thua ti unë i shoh me keqardhje. I mëshiroj për ato që kanë thënë ndaj meje. I mëshiroj personalisht, ndërsa politikisht po ju them: Do kontribuoj maksimalisht deri në fund që ata të mos jenë në pushtet. Unë personalisht”, tha Ndoja.
Kujtojmë se në nëntor të vitin 2019, u realizua një atentat te mbikalimi i Shkozetit me një të vdekur dhe një tjetër të plagosur. Atentati mafioz kishte shënjestër makinën e prokurorit dhe si pasojë mbeti i brarë Andi Maloku, shofer i Ndojt, si dhe u plagos në kokë Aleksandë Laho ose i njohur në rrethet kriminale si "Rrumi i Shijakut".
Pyetje: ‘Do të hyni në Parlament dhe do të keni përballë Edi Ramën dhe Erion Braçen. Çfarë do t’i thoni atyre kur t’i keni përballë kur t’i keni në interpelancë ose foltoren e Kuvendit?’
Ndoja: Ata sigurisht do ta kenë një arsye që kanë bërë këto sulme kaq represive ndaj meje. Por sigurisht, mbi bazën e fjalëve të atyre duhet të jemi të kujdesshëm që një kryeministër ose një funksionar i lartë shtetëror nxit ndjenjat të pakontrolluara dhe persona të pa kultivuar dhe pa arsimuar që të bëjnë këto veprime në raport me të tjerët. Ne e dimë që kur përmendet emri i një personi tjetër në Parlament, ky person ose do t’i nënshtrohet ndonjë procedure hetimore, ose larg qoftë do të jetë objekt i ndonjë sulmi fizik ndaj jetës ose ndaj shëndetit. Këta duhet të jenë më të kujdesshëm, por nuk i vë re, sepse formimi i tyre ua lejon të bëjnë kështu.
Një aktor, ose një piktor apo skulptor, e shpreh më shumë mendimet e tij nëpërmjet vendosjes së një skulpture, pikture, të cilën ne njerëzit e tjerë nuk e kuptojmë dot. Ne kemi artin e fjalës, të juristit. Dimë ta shtjellojmë fjalën, dimë ta flasim bukur por dimë ta flasim edhe saktë sepse nuk duam të përballemi me pasojat.
Këta nuk mbajnë përgjegjësi për fjalët që thonë. Personalisht, këta dy persona që thua ti unë i shoh me keqardhje. I mëshiroj për ato që kanë thënë ndaj meje. I mëshiroj personalisht, ndërsa politikisht po ju them: Do kontribuoj maksimalisht deri në fund që ata të mos jenë në pushtet. Unë personalisht.
Po ndodh...
ide
Bindja absolute dhe jeta e përjetshme!
Nga Erl Kodra
Europa, gropa dhe shpëtimtari!
Nga Armir Shkurti
Sikur të kishim nja shtatë a tetë si Kreshnik Spahiu!
Nga Edison Ypi
top
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128