Nuk ndalet rënia e Euros, arrin minimum të ri historik pranë 92.4 lekëve

Kursi i këmbimit të Euros me Lekun nuk po e ndal rënien as këtë javë dhe ka prekur një minimum të ri historik. Sipas kursit zyrtar të këmbimit të Bankës së Shqipërisë, Euro u këmbye të martën me 92.44 lekë, niveli më i ulët i regjistruar ndonjëherë.

Që nga fillimi i vitit kalendarik, kursi Euro/Lek ka rënë me 4.5%, ndërsa krahasuar me të njëjtën periudhë të një viti më parë, rënia e kursit ka arritur në 4.9%. Të dhënat tregojnë se rënia e kursit të Euros është shpejtuar sidomos gjatë vitit 2026.

Oferta e lartë e valutës e lidhur me sezonin veror e ka thelluar akoma një tendencë rënëse të Euros që ishte shfaqur qysh në tremujorin e parë të vitit. Banka e Shqipërisë e shpjegon këtë tendencë kryesisht me përmirësimet e Bilancit të Pagesave.

Statistikat treguan se për tremujorin e parë të vitit deficiti i llogarisë korrente u tkurr në 228 milionë euro, në rënie me 28% krahasuar me të njëjtën periudhë të një viti më parë. Ndërkohë, investimet e huaja direkte arritën vlerën e 404 milionë eurove, duke shënuar një rekord të ri historik për këtë periudhë të vitit. Ato u rritën me 11.6% krahasuar me të njëjtën periudhë të vitit të kaluar.

Banka e Shqipërisë vlerëson se rritja e volumeve të këmbimit valutor dhe rrjedhimisht edhe forcimi i vazhdueshëm i Lekut ngelet e lidhur ngushtë me ecurinë e Bilancit të Pagesave.

Sipas saj, analiza e kombinuar e të dhënave të tregut valutor dhe atyre të bilancit të pagesave deri në tremujorin e parë rikonfirmoi lidhjen e ngushtë ndërmjet vëllimeve të tregtimit në tregun valutor dhe flukseve të shkëmbimeve të mallrave e shërbimeve me jashtë.

Ndërkohë, duke pasur parasysh tendencën e zakonshme të rritjes së prurjeve valutore në tremujorin e dytë dhe veçanërisht në atë të tretë, duket se një ecuri e tillë mund ta shpjegojë shpejtimin e zhvlerësimit të Euros në kursin e këmbimit me Lekun.

Të dhënat e Bankës së Shqipërisë treguan se vëllimi i tregtimit valutor në tregun e brendshëm arriti një rekord të ri historik në tremujorin e dytë të vitit. Vlera e këmbimeve valutore arriti në gati 4.5 miliardë euro, në rritje me rreth 30% krahasuar me të njëjtën periudhë të një viti më parë.

Volumi i këmbimeve valutore madje kaloi edhe vlerat e regjistruar në tremujorin e tretë të vitit të kaluar.

Rënia e Euros duket se po shpejtohet përsëri këtë vit, pasi ishte ngadalësuar disi vitin e kaluar. Banka e Shqipërisë vazhdon të jetë e pranishme në tregun valutor, duke blerë rregullisht Euro, me qëllim për ta ngadalësuar këtë tendencë. Vetëm për tremujorin e parë, Banka Qendrore bleu rreth 140 milionë euro, niveli më i lartë i regjistruar ndonjëherë për këtë periudhë të vitit. Monitor

Po ndodh...

13:02 AKTUALITET

Kontrolle të befasishme te “313”-ta, gjendet drogë brenda ushqimit së të burgosurve

12:49 POLITIKË

‘Ishte në një dhomë me një burrë’/ Berisha flet për rrahjen e Ramës në 1997: Bën viktimën për hundën, dhuna ndaj tij krim pasioni…

12:48 POLITIKË

Qeveria numëron turistët, por harron sigurinë/ Zjarre, aksidente dhe mungesë shërbimesh

12:43 KOSOVA

“Uzurpator, po bllokon institucionet”/ PDK dhe Aleanca “i zënë pritë” Kurtit: Mos u struk në zyrë!

12:39 KOSOVA

Ish-profesor universitar dhe politikan në karrierë, ndërron jetë Eqrem Kryeziu

12:34 KOSOVA

Dyshohet se vrau bashkëshorten 34-javë shtatzanë, 26-vjeçari ende në gjendje të rëndë

12:18 BOTA

Të shtëna me armë në Montana të SHBA-së, vriten disa persona, mes tyre dhe fëmijë

12:14 BOTA

Fshati zviceran në panik nga rreziku i shembjes së një akullnaje

12:12 AKTUALITET

Ndahet nga jeta Shpëtim Stërmasi, qëndrestari antikomunist dhe ish-i burgosuri politik

12:02 AKTUALITET

U arrestua nga ushtria në Ekuador/ ‘Caballo’ pastronte milionat e drogës për Dritan Gjikën

11:58 SPORT

Musiala nuk është gati, Bayern shtyn debutimin e talentit në Bundesligë

11:52 AKTUALITET

Ethet e Nilit në Shqipëri, reagon ISHP: Nuk transmetohet nga njeriu te njeriu, ja si u infektua i moshuari

11:47 POLITIKË

Media në SHBA: Demokratët zgjerojnë hetimin për marrëveshjen e resortit në Zvërnec, Rama ka ndërhyrë në politikën amerikane!

11:23 AKTUALITET

Vrau nënën dhe plagosi të atin, dalin pamje nga momenti i arrestimit të 45-vjeçarit nga policia

Dua të lexoj më shumë lajme