Lajme flash
“Na ndihmoni të varrosim Rayyan në Berlin”, miqtë e palestinezes që u vra në Tiranë kërkojnë të tërheqin trupin e 24-vjeçares nga morgu
30 Mars 2025, 22:53 / AKTUALITET
Miqtë e 24-vjeçares palestineze e cila u vra në shkurt të këtij viti në Tiranë nga babai i saj, kërkojnë që të tërheqin trupin e të resë fatkeqe nga morgu në mënyrë që ata ta varrosin në Berlin.
Miqtë e 24-vjeçares, kanë konfirmuar lajmet se familjarët e Rayyan nuk kanë shkuar në morg për të tërhequr trupin e viktimës.
Sipas tyre, familjarët nuk duan ta tërheqin trupin pasi ka qenë vetë nëna dhe babai i saj që kanë bërë planin për vrasjen e Rayyan Alwan.
Për rrjedhojë ata kërkojnë që të tërheqin trupin e mikes së tyre.
Ata kanë kërkuar ndihmën e News24 për të kontaktuar me autoritetet shqiptare në mënyrë që trupi i pajetë i së ndjerës të tërhiqet prej tyre dhe të varroset në Gjermani.
“Ne duam ta varrosim këtu në Berlin, por nuk dimë si të procedojmë. Nëna e saj është zhdukur dhe babai i saj ka ikur në Liban”, shprehen ata.
Viktima vijon të mbahet në morgun e Tiranës dhe nëse brenda afateve ligjore, nuk do të tërhiqet nga familjarë apo të afërm, ajo do të varroset në Tiranë.
Po ndodh...
Rama-Meta, si aleanca e 1 Prillit zhbëri Shqipërinë
Nga Namir Lapardhaja
ide
top
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128