EMRI/ Goditi efektivin e policisë natën e atentatit ndaj babait të tij, vihet në pranga djali i Thimjo Rubatit në Sarandë

Është vënë në pranga ditën e sotme 27-vjeçari Andrea Rubati, djali i Thimjo Rubatit i cili është një emër mjaft i njohur për drejtësinë shqiptare. Burime nga grupi hetimor bëjnë me dije se blutë kanë vënë në pranga Andrea Rubatit, pasi mbrëmjen e 17 korrikut të këtij viti, që përkon dhe me ditën që babait të tij iu bë atentat, ka goditur një efektiv policie.

“Shërbimet e Komisariatit të Policisë Sarandë, në vijim të punës për kapjen e shtetasve të shpallur në kërkim, bazuar dhe në informacionet e siguruara në rrugë operative, bënë të mundur kapjen e shtetasit në kërkim A. R., 27 vjeç, banues në Sarandë dhe ndalimin e tij, në bazë të urdhrit të prokurorit.

Ky shtetas ishte shpallur në kërkim për veprën penale “Goditje për shkak të detyrës”, pasi dyshohet se më datë 17.07.2026, ka goditur me grushte për shkak të detyrës, shtetasin M. V., punonjës policie i Komisariatit të Sarandës” njoftoi sot Policia.

Siç kemi raportuar dhe më parë, në orët e vona të 17 korrikut të këtij viti, 50-vjeçari Thimjo Rubati mbeti i plagosur rëndë, pasi disa persona të maskuar hapën zjarr.

Dy persona, të maskuar me skafandra dhe që lëviznin me motor, e ndoqën 50-vjeçarin dhe qëlluan në drejtim të tij 9 herë me pistoletë. Disa plumba e kanë kapur Rubatin, duke e lënë në gjendje kritike. Fillimisht ai u transportua në Spitalin e Sarandës, ndërsa më pas u dërgua për trajtim më të specializuar në spitalin e Janinës.

Pas kryerjes së atentatit, autorët u larguan me shpejtësi dhe dyshohet se kanë ikur nëpërmjet detit me skaf, duke marrë me vete edhe motorin dhe sende të tjera, për të mos lënë gjurmë. Po ashtu, bëhet me dije se 50-vjeçari ka qenë i vetëdijshëm pas sulmit, por nuk ka mundur të identifikojë autorët, pasi ka deklaruar se nuk i ka njohur personat që e qëlluan.

Rubati është një emër i njohur për drejtësinë, pasi ka qenë i arrestuar dhe i dënuar si në Greqi, ashtu edhe në Shqipëri, kryesisht për vepra që lidhen me kontrabandën. Emri i tij u vu sërish në qendër të vëmendjes që prej korrikut të kësaj vere kur për pak sa nuk e eliminuan.

Njoftimi i Policisë:

Sarandë/Goditi me gushte një punonjës policie, për shkak të detyrës, kapet dhe vihet në pranga 27-vjeçari i shpallur në kërkim.

Shërbimet e Komisariatit të Policisë Sarandë, në vijim të punës për kapjen e shtetasve të shpallur në kërkim, bazuar dhe në informacionet e siguruara në rrugë operative, bënë të mundur kapjen e shtetasit në kërkim A. R., 27 vjeç, banues në Sarandë dhe ndalimin e tij, në bazë të urdhrit të prokurorit.

Ky shtetas ishte shpallur në kërkim për veprën penale “Goditje për shkak të detyrës”, pasi dyshohet se më datë 17.07.2026, ka goditur me grushte për shkak të detyrës, shtetasin M. V., punonjës policie i Komisariatit të Sarandës.

Materialet procedurale iu referuan Prokurorisë, për veprime të mëtejshme.

Po ndodh...

12:15 SHOWBIZ

Shoku i ngushtë i Laurent Krasniqit reagon pas vdekjes së tij: Ma këpute shpirtin vëlla

12:00 AKTUALITET

Atentati i përgjakshëm sot në Mirditë, drejtori i Policisë së Lezhës shkon pranë vendngjarje: Kemi shoqëruar një person

11:42 SPORT

Incidentet pas sfidës me Lyon, UEFA hap hetimet për Guendouzi dhe Greenwood

11:26 POLITIKË

“Do hani një të shtyrë që do i luteni Zotit”, Rama i ashpër me socialistin: Po qesh? Nuk shtyhet më kështu…

11:23 POLITIKË

KLP dhe KLGJ kërkojnë pagat, Rama i sulmon: Jeni fytyra e dështimit të reformës në drejtësi, rrogat tuaja më të larta se tonat

11:12 AKTUALITET

Doli nga burgu pasi vrau klientin e dehur te lokali i tij dhe rihapi sërish bar-kafenë, Gëzim Kajnos gati sa nuk iu hodh biznesi në erë

11:00 POLITIKË

“Mos bëni sekserin që merr në telefon drejtorët e institucioneve!”, Rama “shkund” deputetët: Takimet me popullin s’janë për vota e patronazhistë

10:43 POLITIKË

Shqiptarët prej 3 muajsh i kërkojnë dorëheqjen, Rama ‘meaculpa’ nga mbledhja me socialistët: Tre “plagët” që na ndajnë nga populli

10:40 POLITIKË

Frika nga përshkallëzimi i protestës, Rama e thotë para socialistëve: Nëse nuk merremi me veten, të hapim krahun

10:19 SHOWBIZ

Një muaj më parë i propozoi partneres, humb jetën në aksident me motor ish-banori i BBV

10:18 AKTUALITET

27 vatra në 24 orët e fundit/ 3 mbeten aktive në Dibër, situatë problematike edhe në Dajt-Qafë Priskë

10:06 AKTUALITET

Saga e hakmarrjes me fisin Reçi/ Breshëri plumbash mbi Viktor Bardhin, 65-vjeçari u gjet i vdekur në automjet!

09:55 POLITIKË

Një ditë pas mbledhjes 4-orëshe në Vilën e Kuqe, Rama thërret sërish sot socialistët

09:42 AKTUALITET

FOTO/ Dyshohet se u përdor nga autorët e vrasjes së Viktor Bardhit, gjendet e djegur makina

Dua të lexoj më shumë lajme