“Nuk dija të notoja”, shqiptarja tregon momentet e tmerrit pasi burri e hodhi në kanal me makinë, arrestohet 46-vjeçari në Itali

Një debat mes një çifti shqiptarësh në Katolika të Riminit ka përfunduar me arrestimin e një 46-vjeçari, i cili dyshohet se tentoi të vriste bashkëshorten e tij duke e hedhur makinën në ujërat e kanalit të portit.

Ismail Picari, baba i dy fëmijëve, ndodhej në automjet së bashku me bashkëshorten 40-vjeçare kur makina përfundoi në ujë pasditen e 19 gushtit. Dy persona që panë skenën u hodhën menjëherë në kanal dhe ndihmuan gruan të shpëtonte, shkruajnë mediat italiane. 

Sipas hetimeve, gruaja arriti të hapte bagazhin e makinës që po fundosej, pasi e goditi vazhdimisht mekanizmin. Ajo nuk dinte të notonte dhe u nxor nga uji nga personat që ndërhynë për ta shpëtuar. Ndërkohë, bashkëshorti i saj dyshohet se u largua nga vendi i ngjarjes.

Prokuroria italiane po e heton ngjarjen si tentativë vrasjeje . Gruaja ka dëshmuar se, pasi automjeti ra në ujë, bashkëshorti e kishte kapur nga qafa.

“Në ujë ndjeva duart e tij në qafë”, ka rrëfyer 40-vjeçarja para hetuesve.

Dyshimet janë shtuar edhe për shkak të historisë së mëparshme të dhunës në çift. Vetëm dy ditë para ngjarjes, më 17 gusht, Picari ishte arrestuar pas dyshimeve se kishte dhunuar bashkëshorten në banesë. Sipas dëshmive të mbledhura nga karabinierët, gjatë shoqërimit ai e kishte kërcënuar gruan se do ta vriste sapo të lirohej.

Pas lirimit, sipas hetuesve, ai e kishte sulmuar sërish.

Në ditën e ngjarjes, çifti kishte shkuar drejt portit pasi 46-vjeçari i kishte kërkuar bashkëshortes ta shoqëronte në bankë për të ndarë llogaritë e përbashkëta. Mes tyre kishte nisur një debat, i cili dyshohet se përfundoi me makinën që u drejtua drejt kanalit.

Në hetim është marrë edhe vajza e çiftit, e cila ka treguar se babai kishte ushtruar dhunë ndaj nënës së saj prej kohësh. Pas ngjarjes, ajo ishte nisur drejt portit pasi kishte lokalizuar automjetin dhe kishte gjetur të ëmën nën kujdesin e ekipeve të emergjencës.

Pas disa orësh në arrati, Picari u lokalizua nga autoritetet dhe u arrestua. Ai ndodhet në burg, ndërsa hetimet vijojnë për të përcaktuar të gjitha rrethanat dhe motivet e ngjarjes.

Po ndodh...

19:50 EKONOMI&SOCIALE

Nafta kap çmimin rekord, arrin në 219 lekë, vetëm 5 lekë poshtë nivelit të krizës

19:42 AKTUALITET

"Tërmet" në TCh/ Pas 20 vitesh, Filip Çakuli largohet nga Fiks Fare, gazetarja e terrenit Antela Lika merr drejtimin e emisionit

19:28 AKTUALITET

Zjarret dalin jashtë kontrollit në Pukë, flakët rrezikojnë banesat, fillon evakuimi i banorëve

19:26 BOTA

Tragjedi në Nigeri/ Përmbyset varka, humbin jetën 40 fëmijë

19:19 POLITIKË

Shpenzimet marramendëse me paratë e shqiptarëve, ministria e Ekonomisë blen tre makina luksi me vlerë 200 mijë euro

19:17 MISTERE&KURIOZITETE

Pas moshës 50 vjeçare, këto ushqime duhen kufizuar për të mbrojtur shëndetin

19:16 SPORT

Ronaldinho i kthehet futbollit në moshën 46-vjeçare, nënshkruan me ekipin italian

19:06 POLITIKË

Ilir Shtufi hap “Kutinë e Pandorës”, si lulëzuan me Ramën biznesmenët e lidhur me familjen Berisha

18:56 POLITIKË

Revolta qytetare sot në ditën 82, protestuesit kërkojnë largimin e Kastës politike

18:51 AKTUALITET

Vdekja e 24-vjeçarit në Rrjoll, policia jep detajet: Ra nga gomonia dhe u godit nga helikat

18:35 POLITIKË

“Reforma, shfarosëse dhe denigruese”/ Banorët e Poliçanit kundër bashkimit me Beratin, mesazh Ramës: Vëri gishtin kokës!

18:18 AKTUALITET

KPP i jep goditjen finale AKSHI-t/ Saga e tenderit të fiskalizimit merr fund, kroatët marrin fitoren

17:54 AKTUALITET

Tragjedi te Rana e Hedhun/ Përplasen dy skafe, humb jetën 25-vjeçari, një tjetër në gjendje të rëndë

17:50 POLITIKË

“Balluku rrezikon mbi 30 vite burg, paratë e vjedhura janë transferuar jashtë”/ Poli Hoxha: Ka ardhur koha që Edi Rama të thirret nga drejtësia

Dua të lexoj më shumë lajme